|
أيهما اطيب ناقة فنجال أم ناقة هيف الاخوه الاعزاء السلام عليكم ورحمة الله كنت في أحد المجالس اللي أهلها كلامهم كله عن زيان الابل ومواضيعها وسألني أحد الحضور انه أسئله احد أصدقائه وقاله أسال عبدالله المزحمي عن أي أطيب ناقة الشيخ فنجال بن سلطان الشيباني (النايله) اللي فازت في المزايين الاخير ولاناقة الشيخ هيف بن عبود القحطاني اللي فازت في الفردي العام قبل الماضي وان شاءالله ابا اقولكم رأيي وصراحه انه احرجني جدا لان المجلس كان فيه اهل اباعر لهم باع طويل في الابل.وجاوبت على سواله بعد ما وجهت السوال لمن هم اكبر مني واكثر فهم ولكنهم رفضو الاجابه وقالوا ان الرجال ما سالنا سألك انت ولكن ابا منكم شي أنا ما اعرف احط الصور حقت الناقتين لو واحد يتبرع ويحطهن في الموضوع حتي الاعضاء يعرفون الوضع والاجابه واضحه وفيه طلب اخير اللي يبا يشارك في الموضوع ويعطينا رايه ما فيه مشكله قبل الاجابه حتى تعم الفايده وتقبلوا تحياتي عبدالله المزحمي |
الاخ عبدالله يرجى تزويدنا بالصور أو دلنا على مكانها على النت وابشر نرفقها لك اخوك |
هلا بك أخوى عبدالله موجود طريقه تشرحلك كيف تنزل الصور وان كانك ماعرفت علمنا وين محلهن وابشر بسعدك الصور مو جوده عندك ؟ تحياتى لك أخوك |
تحيه خالد السبيعي خالد المطيري اشكركم على تقديم المساعده وصور النياق موجوده في الموقع اما ناقة فنجال فهي الفايزه في أجمل وضحا لمزايين أم رقيبه 1426 أما ناقة هيف فهي الفايزه في أجمل وضحا لمزايين أم رقيبه 1424 الله لا يهينكم على تقديم المساعده .ونريد تعليقاتكم على النياق لتعم الفايده تحياتي عبدالله المزحمي |
تحيه (1)ناقة هيف القحطاني http://www.mzayan.com/vb/images/uplo...b9d3a5078d.jpg (2)ناقة فنجال الشيباني http://www.mzayan.com/vb/images/uplo...b9d3a7da15.jpg |
الاخ الفاضل عبد الله المزحمى ماشاء الله عليك دائما مواضيعك فيها تفاعل ومن وجة نضرى الشخصية ان ناقة هيف القحطانى اطيب ولك الف تحية |
تحيه الاخ أبراهيم الجربا لاهنت على التعليق وانت قلت ان ناقة هيف اطيب ولكن فيه سوال ممكن توضح سبب اختيارك حتى تعم الفايده وجزاك الله خير واللي يبا يعلق يذكر سبب اختياره أخوكم عبداللله المزحمي |
الأخ عبدالله يرجى تحديد أسماء أصحاب الناقتين تحت كل ناقة يذكر اسم صاحبها من وجهة نظري الخاصة والمتواضعة والصورة لا يحكم عليها دائما ولكن سوف أبدي وجهة نظري وأرجو تقبلها بصدر رحب أن الناقة اللي في الصورة الأولى : - أزين وضاح - أزين تركيبة سنام - أطول رقبة -أكبر رأس - ((( لكنها منصلة قدام )) أي ليست سناد والناقة اللي في الصورة الثانية : أعتقد أنها أضفى سبال |
السلام عليكم والرحمه الله وبركاته من وجهة نظرى انا الصور مايحكم عليه بس بقول وجهة نظرى ناقه اللى فى الصوره الأولى وهى ناقه هيف القحطانى ازين من ناقه فنجال 1/ازين ترتيبت سنامه 2/لو ان اوبرته مو معكرشه مثل ناقه فنجال /:اطول رقبه هى حلو عمره /قاربه ازين /وكلهن مبروكات بس الوضحا وجه لصار وجه حلو صارت مزيونه |
تحيه خالد السبيعي خالد المطيري الله لا يهينكم على التعليق الطيب اما الناقة الاولى فهي ناقة هيف القحطاني والثانيه ناقة فنجال الشيباني وواضح شاهد فنجال على الناقة ناقة هيف انا سمعت انها مشريه بثمان مية الف وناقة فنجال على ما اظن انها فازت قبل العام في خبيب الريم واذا فيه احد من الاخوان يبا يشارك ويعطينا رايه حتى نفيد ونستفيد عبدالله المزحمي |
يالربع مسيتو بالخير انا اقول ناقة هيف اطيب ولا يلحقها كلام هنيا الراس اكبر ومعليه مصندق وهنيا الرقبه طويله او منتله قدام وهنيا اللون اصفا واوضح وهنيا السنام منفهق والغارب طويل اما ناقة فنجال ماعليها طيبة جد بس ناقة هيف اطيب وهذ رايي ولكم جزيل الشكر مع العلم ان الانظار تختلف كل له وجهه معينه |
تحيه السلام عليكم ورحمة الله وبركاته بالنسبه للموضوع ابطرح وجهة نظري معرفتي في الابل والانظار تختلف أما ناقة فنجال الشيباني أطيب من ناقة هيف القحطاني لأن المطلوب في ناقة الفردي مايكون فيها ولا عذروب ونبدا في الراس مواصفات ناقة فنجال 1-الراس اسلت 2-اللحي مستقعد وطويل 3-القله مسحا 4-موقع اذنها طيب 5-الوجه خاتم 6-الخد العريض 7-المشارب ضافيه 8-المنخر وسيع 9-الرقبه جردا ومنتله ومطلعها طيب 10-الغارب سناد 11-السنام اللي على الريشيات يعني لو تبى قفله 12-المقفى الطيب 13-العقله الزانه 14-الذيل الاشتر 15-الوبره المحلقه 16-الجنب الزين 17-الجرم الطيب بالرغم ان الصوره ظالمتها بالنسبه لمواصفات ناقة هيف المواصفات اللي ذكرتها تنطبق عليها ما عدا الراس فيه طبه بسيطه والمشارب ماهيب مثل مشارب ناقة فنجال ناقة فنجال اطيب مشارب واجد الغارب تهادف فيه شي بسيط الوبره منطلقه وثاني ناقة فنجال اصغر سن من ناقة هيف وهذا حسب وجهة نظري فأن اصبت من الله واذا اخطيت من نفسي والشيطان ولكم تحياتي |
لاهنت يا عبدالله المزحمي وقد عبرت عن رأيك ووجهة نظرك وانت اخترت ناقة فنجال وهناك من اختار ناقة هيف ولولا اختلاف الانظار لبارت السلع تحيااااااااتي |
الله يعطيك العافيه يالمزحمى أكيد انك تبى تقول ناقه فنجال شفت العموم قال ناقه هيف قلت خلنى اخالفهم :) الله لايهينك ولولا اختلاف الانظار لبارت السلع تحياتى لك اخوك |
تحيه السلام عليكم ورحمة الله خالد السبيعي اشكرك على ردك وصدقت لولا أختلاف الانظار لبارت السلع خالد المطيري أشكرك على ردك وثانيا ماهوب من طبعي اني اصير (أمعه )ان احسنو الناس احسنت وان أسائو أسئت ثالثا ما دخلت هذا الموقع لمخالفة الناس ولكن دخلت لكي افيد واستفيد والله لايهينك على كل حال تحياتي عبدالله المزحمي |
| الساعة الآن 52 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |