|
الاخ/ عبدالله المزحمي المحترم الاخ/ عبدالله المزحمي المحترم السلام عليكم ورحمة الله وبركاته انا عبدالله بن مانع العجمي ابي منك نصيحه وتدلني ---- انا ابي يكون عندي انتاج طيب واعرف طرق تعلمتها من المنتدا وغيرها ووصلت الى ان اشتري قعود خيار من امه وابوه واصبر عليه - السؤال جعلك طولة العمر من وين احصل عليه - لفيت الاسوقه مثل الجنادريه والكويت لمدة خمس سنين ومالقيت شي قوي واذا لقيت يكون غالي فوق السحاب من مئة اللف وفوق وماتدري صدق اسم امه وبوه ولا تلفيق - اخي العزيز ابي شي آخذه من تحت امه واعرف ابوه ويكون سعره مقبول مقارنه بانه حوار وسلامتك واتمنى يكون عندك الرد الواضح والشافي والسلام عليك ورحمة الله وبركاته اخوك/ عبدالله مانع العجمي |
تحيه وعليكم السلام ورحمة الله وبركاته ونعم فيك وفي قبيلتك انت طال عمرك تقول انك تبغى انتاج طيب والانتاج الطيب طال عمرك يبغاله ابل طيبه شكل وساس ويبغاله بعير طيب وانتاجه طيب يعني لو عندك ابل طيبه والفحل ردي ما تستفيد وكذلك لو كان الابل رديه والفحل طيب ما تستفيد هذا طال عمرك امر معروف ولا فيه شك نجي طال عمرك للي ما يقدر يشتري ابل طيبه او بعير طيب ومنتج لان البعير المنتج غالي جدا فيه امور كثيره حتى تحصل على قعود طيب منها طال عمرك انك تشتري لك قعود من اهل الفحول المنتجه تكون شايف ابوه وامه ولكن حاول انك تبتعد عن اهل المزايينات لانهم اغاليين واللي احواله الماديه ضعيفه ما يقدر يشتري منهم الا شي عادي اما الطيب ما يبعونه الا غالي دور وسأل عن اهل الفحول المنتجه اللي ما يشاركون في المزايين وتراهم واجد واسعارهم ما هيب غاليه وانتاج بعاريينهم طيب والامر الثاني طال عمرك مثلا اذا عندك 100الف ريال اشتر ناقتين على 50الف واضربهن على فحل طيب وترجى الله سبحانه يرزقك بقعود وتفحله ونسأل الله العظيم رب العرش العظيم ان يرزقنا واياك ويبارك لنا ولك واذا بغيت خدمه ولا حاجه ارسل رقم جوالك في رساله خاصه اخوك عبدالله بن مطلق المزحمي |
| الساعة الآن 13 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |