|
(( طلب الاستشاره ))) السلام عليكم ورحمة الله وبركاته , الله يسعد اوقاتكم بكل خير , موضوعي اليوم عن الاستشاره , فالاستشاره وخاصه ان كان من يسستشيرك شخص غالي عليك , تسبب لك الاحراج. السؤال وهو موجه لجميع الاعضاء لو جاك شخص غالي عليك جداً و استشارك في بعير اوناقه توشاريها وانت عندك خبران الرجال متخسر وشاري بمبلغ جااااااااااامد ويوم شفت المطيه الاهي ماتسوى يعني رفيقك مصييخ! وش ردة فعلك ! هل بتجامل والا بتقول الحقيقه ! ارجو المشاركه لتعم الفائده |
اقوله الله يبارك لك |
اقول الحقيقه بطريه طيبه وانصحه |
اقول الحقيقه ولا غيرها |
اقوله الحقيقه بكل صراحه حتى مايتوهق ثاني مره لانك ان جاملته جاملته على حسابه الخاص وبتكون غشييييييته نوعن ماء ومن استشارك دخل ذمتك مثل مايقولون |
انا مع كلام الاخ مانع الدوسري .. ولايهونون الاخوان .. |
اقتباس:
هذا الكلام الصحيح |
عليكم السلام ورحمة الله وبركاته مرحبا يانايف وموضوعك مهم ويقع فيه الكثير منا دائما انا اقول الاولى اولا - انك ما تبدي شورك الا اذا طلب منك لان البعض يبدي شوره وهو ماطلب ولذلك لا يلقى ذلك الشور قبول من الاخرين ثانيا- اذا استشارك اي شخص مهما كانت قيمته عندك فالاولى ان تعرف علوم السلعه اصلها ومزاياها اللي فيها (مثال بعض البل شكلها عادي لكنها منتجه انتاج فاخر بيع عليها بالملايين وهي شكلها ما يسوى 5 الاف؛ او ذلول اصيل واصلها من خيرة المرابط ويفرق فيه بواجد واصلها مثبوت ولها انجازات او انتاجها له انجازات) ثالثا-لازم يكون هناك دبلوماسيه في ابداء الراي لكي لا يكون كالصاعقه على صاحبك ولكي لا تقلل من معرفته وتحسسه انه ما يعرف شي اذا انت ترى ان المطيه ماتسوى قيمتها انا كان قلت له انت طلبت رأيي وانا اعطيك الراي على الشكل الخارجي اللي اشوفه وانت اعرف بعلومها مني ويمكن انك تعرف شي ما اعرفه عنها وتعطيه رايك بما تراه وبدون تجريح او ذم ولو كانت ماتسوى وتدعو له بالبركه والتوفيق وتوضح لصاحبك ان المفروض الاستشاره قبل ما يشتري وسلامتك |
انا اقول اذا استشارني بعد الشراء فاقول الله يبارك فيها ومن ثم انصحه ببيعها ان جابت قيمه لو اقل من الشراء ودمتم بخير والاخوان ماقصروا والسلام الختام ,,,,,,,,,,,,,,,,,,,,,,,, |
مع كلام العرق ولا يهون باقي الاخوان |
يقول راعي المثل( شور مالايستشيرك جهالة مثل من ينفخ بكيرآ وهو طافي) واذا استشارك الصراحه طيبة حتى لو هي مرة ودمتم بخير |
اقتباس:
كلام منطقي وواقعي |
| الساعة الآن 12 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |