|
وينكم يااهل الوضح بسم الله الرحمن الرحيم اخواني بعد التحيه ويش رايكم في القعود سنه حق هل ينفع فحل وكيف مستواه من ناحيه الزين http://up.arab-x.com/pic/kL499167.jpg |
السلام عليكم ورحمة الله وبركاته اخوي محمد ان كان حصل اطيب منه فهو ابرك لان القعود عذاريبه واجد وعموما الساس هو المطلوب ان كانك عارف ساسه ليس ابوه فقط وانما امه وساسها فاتركه وترجى الله والا دور لك بعير اطيب وتقبلوا تحياتي |
الاخ محمد اللة يبارك لك فيما اعطاك الاخ عبدالرحمن عبدالعزيز ممكن توضح وش عذاريب القعود لكي يستفيد المطلع؟ وتقبلو تحيتي |
|
القعود ماهو بالطيب الناهي ولاهو بالردي بالحيل القعود من وسط الأبل وتوه وممكن يزين لاكن تصويرك غلط للقعود واهو يمشي برباطه وخايف انه يطيح فيبين انه فيه اعنجه وانتكاسه مع انه رقبته فيها جل لاكن كعمره ماهو بشين غاربه زين وعرقوبه زين وضهره ماهو ردي بالحيل وراسه وسط ودقاق العذروب الأكبر برقبته اصبر عليه ويبي يتغير شكله ومع كلام الأخ عبدالرحمن بالنسبه للأصل |
اشكركم على المرور والتعليق والله لايحرمنا منكم |
راسه راس بكره واذنه حديد ورقبته جليله وباقيه وسط لا تهده ويرزقك الله باطيب منه |
الاخ فيصل السلام عليكم ورحمة الله وبركاته اعتذر في البداية لصاحب القعود ان لم يروق له رئيي ولكن الموضوع يختص بفحل وليس ببكره والفحول تقيم بانتاجها وقد اشرت عليه بان يترجى الله فيه ان كان ذو ساس طيب اب وام وليس اب فقط كما اني اعتذر عن ذكر التفاصيل مالم يكون الطلب من صاحب الشان انما اكتفي بان اقول لك ان اي تقييم للصفات الجمالية وخصوصا الفحل يجب ان تقوم على الاسس التالية : الاول ) الاصل والساس اب وام وليس احدهم ثانيا ) مقدم البعير من مطلع الرقبة للعرنون (ولك في بعض الفحول المشهوره مثال) وتقبلوا تحايتي |
تحيه الاخ محمد القعود مبروك وخلق الله سبحانه كله زين بالنسبه لمواصفات القعود في نظري ما يفحل قعود عادي وعذارييبه واجد راسه صغير واذنه كبيره ورقبته قصيره وغاربه قصير والقعود متساوي ورايي مثل راي مستشارنا ابو عبدالعزيز شف لك قعود غيره ونسأل الله ان يوفقنا واياك اخوك المزحمي |
قعـ،ود عـادي جدااا واقل من المتسوط لكـن ان كان على ساس طيب ...! فلا تفرط فية ابداا |
انا اوافق الاخوان في رايهم من ناحية الساس الا ب والام اخوي محمد ان كانك ماشريته فجنب عنه وان كانك شريت الله يرزقك ويربحك فيه تقبل مروري |
قعـود عـادي جدااا بالنسبه لمواصفات القعود في نظري ما يفحل ويرزقك الله باطيب منه |
اشكركم على المرور والتعليق وجزاكم الله خير |
وانا اويد كلام اخوي محمد المطيري اصبر له جعله يتبارك |
اخوي محمد القعود طيب لولا راسه صغير |
| الساعة الآن 27 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |