حّبيّب بن حمد الخالدي - يا زين بشعوفها شـوف الدباديبـي
 

هذه قصيدة في وصف الإبل للشاعر حّبيّب بن حمد الخالدي[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياعـل دار تربـه شمـخ النيبـي=تاخذ ثمان اجبة والسحـب تدبهـا
من طلعة النـور لحـل المغايبـي=سحب تعاقب مـع نكبـا تلاعبهـا
من مزنة كن باطرافـه لواعيبـي=كن النمش ينفضونه فـي جوانبهـا
يسّي لنا مدهل العرب(1) الحنازيبـي=ليـن المـلازم تملالـه مواهبهـا
من زور لوذان لضلع المراقيبـي=في كل جـوٍ امشارعـة ذواهبهـا
لما تشيل الشحم بيضـا محاقيبـي=ويصير مثل الوقايا فـوق غاربهـا
يبني عليها الشحم مثل المهاظيبـي=احجوز خلف السنام وقدام حاجبها
كوده يدير الفلك للفطـر الشيبـي=ارفع لها الشـان يادايـر هبايبهـا
اطرح لها الغيث من سود المهاديبي=لين الزماليق تنبـث فـي خبايبهـا
غبوقت الضيف في حل المواجيبي=سند الغوارب جليـلاتٍ محالبهـا
يا زين بشعوفها شـوف الدباديبـي=ويازين بظهورها شوفـت جنايبهـا
ويا زين لروحت من خايع الطيبـي=سحج العشاير تراطمبه ضرايبهـا
لوحت هديرالجمل كنها معاطيبـي=كن الخيل مع مجل الورك ضاربها
وان عاج عمره لها تطنب تطانيبي=مزين تكيفخ على الحاجب سبايبهـا
واللي ترزم تصوته تلحق الصيبي=مزين زغيمه على الساقه يجاذبهـا
وان وردوا فوق عدٍ لـه تناديبـي=والكل منهم بصوتـه قـام يندبهـا
بقران حادي(2) وفي حر اللواهيبي=ريح العبس فايحٍ والقيـظ حاظبهـا
وليا منها غـدت عنـده تحاطيبـي=أطرافهـا ترتكيلـه فـي مناكبهـا
وان شافت الدلو من بين الجواذيبي=مزين تليطم على الطاره شواربهـا
كم واحدٍ عندها خلي عشا الذيبـي=ولانبياء عندها طـارت عصايبهـا
تكفون ياللي تعرفـون المواجيبـي=اغلوبها واحربوا من كان حاربهـا
تكفون لا ترخصونـه يالمعاطيبـي=يوم اهزلت حالها والوقت خانبهـا
لابد مـن خايـعٍ نبتـه تعاجيبـي=وان رودمت قصبها توفي مطالبها
يا زين لا روحت وانحت جناديبـي=من عقب شده وضو البيت تجذبهـا
يا زين خلفـه تعيـوال الملاهيبـي=خلفٍ مصاغير حيرانهـا تعاقبهـا
وان وقف اللقح من بني الاطانيبـي=حيرانها والشـذا مزيـن تليعبهـا
تمت بذكر الله اللي يعلـم الغيبـي=عدة نجومٍ تناحـت فـي مغايبهـا
[/poet]

1- العرب (بكسر الراء) :- الإبل
2-بقران حادي :- شهر من شهور الصيف

الغالي علي التميمي

صح بدنك طال عمرك

حضورك شرف لا عدمتك

وتقبل اطيب تحية


أخوك

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
غبوقت الضيف في حل المواجيبـي=سند الغـوارب جليـلاتٍ محالبهـا
يا زين بشعوفها شوف الدباديبـي=ويازين بظهورها شوفت جنايبهـا
ويا زين لروحت من خايع الطيبـي=سحج العشاير تراطمبه ضرايبهـا
لوحت هديرالجمل كنها معاطيبـي=كن الخيل مع مجل الورك ضاربها
وان عاج عمره لها تطنب تطانيبي=مزين تكيفخ على الحاجب سبايبها
[/poet]


لاهنت ياخالد على النقل ووجهك ابيض


وصح الله لسان الشاعر : حبيب بن حمد الخالدي

الغالي عبدالله بن هندي

ووجهك أبيض طال عمرك

حضورك شرف لا عدمتك

وتقبل اطيب تحية


أخوك

صح لسان الشاعر حّبيّب بن حمد الخالدي

ومشكوووووووووور يا خالد على النقل

اخوك

مشعل اليامي

صح لسان الشاعر

الله لايهينك يا ابو عبدالله على هالنقل الجميل

دمت بود

أخوك

صح لسان الشاعر
وبيض الله وجه الناقل
رائعه يابوعبدالله

وتحياتي الخالصه
اخوك

الله يعطي العافيه ناقلها

وصح لسان الشاعر

والجميع موفقين خير

أخوكم علي عبدالرحمن

أررررررررررررحب ياخالد صيدك سمان ماتصيد الهزيله




حيه وما جاب نقل طيب من رأس طيب



تحياتي لك

يا هلا يا مشعل اليامي

وكل الشكر لمرورك الطيب

تحياااتي وتقديري

أخوك

يا هلا يا السمي

وكل الشكر لمرورك الطيب

تحياااتي وتقديري

أخوك

يا هلا يا عيد

ووجهك أبيض يا بعدي

وكل الشكر لمرورك الطيب

تحياااتي وتقديري

أخوك

يا هلا يا علي

والله يعافيك

وكل الشكر لمرورك الطيب

تحياااتي وتقديري

أخوك