|
اللي توزر دم؟؟؟ السلام عليكم ورحمة الله وبركاته عندي ناقه عشرا لها ست شهور ومعشر لها ثلاث شهور يالربع الناقه صار لها 15 يوم تقريباً توزر دم وجبت لها علاجات وجميع علاج من البيطره عطيتها ولا نفع وطلعت لها دكاتره وسويت لها تحليل وقال فيها كبد التهاب كبد المهم عقب التحليل اللي تبين لي ان المشكله بالكبد ومشيت لها علاجات ولا نفع والناقه اكلها ضعيف وانصفقت الناقه وعقب العلاجات سويت لها تحليل ثاني وقال مافيه شئ الكبد عقب العلاجات بس الناقه لحد الان توزر دم قبل كان لون الوزر احمر فاتح شوي بس حالياً الللون صار غامق مره يعني دم فا يالربع انا جربت كل شئ بالبيطره فا اللي مرت عليه هالحاله من قبل الرجاء لا يبخل علينا واذا هالحاله لها كويه بمكان معين يعلمنا الله يجزاه خير فا اسئلو لي الله يجزاكم خر اذا هالحاله لها كويه وشاكر لكم اخوكم مشعل الرويس |
هذي وانا اخوك الظاهر التهاب في الحيا صارت عند واحد من الربع بس ماقدر يعالجها وباعها لكن نشوف الاخوان يمكن يقدرون يساعدونك |
مشكور على مرورك اي والله اسئل لي الله لا يهينك الناقه غاليه :) |
كلمت لك دكتور له خبره طويله وجيد وقال الكبد ما لها دخل هذا التهاب في المثانه وله ابر خاصه وان شاء الله يتوقف على العموم هذا رقم الدكتور اذا بغيت تكلمه 0509811784 اشرف |
تاكد وزر ها معه دم ولى دم عادي نزيف |
هلا حياكم الله حمد اليامي لا هنت ياغلاي وماقصرت مانع الدوسري يامرحباا وزرها مع دم يالغلا موب نزيف |
سلامات يابو عبدالرحمن الله يهونها انشاء الله |
يافيصل مساك الله بالخير إن شاءالله تشفى ناقتك.... والله أنا ماعندي خبره لايكون اللي معها جرح الكلوه ؟ تأكد لان جرح الكلوه اذا تطور يجيب دم وهو خطير على ماسمعت...والناقه تكوى عن هالمرض على الكلوه من جهتين بس تأكد وسأل؟ |
اقتباس:
|
السلام عليكم الله والعالم انه حرارة وهو اللي سببلها الالتهاب وجتنا مثل هالحاله من اسبوعين وعطينها بنسلين 25 وابشرك فك منها الالتهاب وللمعلوميه ان الناقه خلفه ولا ادري وش وضع اللقحه تعطى بنسلين ولا غيره |
اقتباس:
مع الاخ حمد اليامي |
اخوي مشعل السلام عليكم ورحمة الله وبركاته ... علاج انزيمات الكبد كركم ذكر يطحن لمدة خمس أيام صباح ومساء في غرشة ماء صغيرة وعطها ناقتك وبتشوف الفرق انشالله .. علاج مجرب وانا اخوك |
| الساعة الآن 05 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |