|
وش علة البكرة السلام عليكم وورحمة الله وبركاته,,, الله يصبحكم ـ يمسيكم ـ بالخير انا يالربع عندي مفروده صابها ضعف يتزايد وشهيتها للطعام مفقودة عطيتها ايفومك جرعتين ولا اعطى نتيجة وش العلة /وش العلاج الله لا يهينكم |
وعليكم السلام ورحمة الله وبركاته اعراضها يا دود او هيام ولكن عطها حبوب دود وابرة هيام حسب الجرعة المناسبة للعمر والله يعافيها من عنده |
وش علة البكرة اخوي انا عندي ناقه بديت الاحظ عليها الضعف حتى انها تاكل بشكل بسيط جدا كشفت عن فمها مالقيت عله اتصلت على احد البيطريين وشرحتله الحاله قال الناقه كبيره قلت نعم قال عطها قهوه نسكافه قلت ليه قال عندها تسمم الجرعه اللي وصفها لي علبة نسكافه تضعها في موية صحة ام ريالين وترجها وتجرعها الناق واليوم الثاني نفس الطريقه والحمدلله الناقه بخير الحين وتاكل وبدت في زود انت قلل الكميه للنص وجرب البيطري يقول ماتضر بشيء والعلم عندالله والله يشافي بكرتك |
اقتباس:
والمشكله ان البيطريين يتفسلفون بالحبوب اللي معهم انا اشوف ان الحبوب ماتنفع الدود ماينفع معه الا الثوم خذ لك فصوص ثوم واحطه في الخلاطه لين يصير مثل العصير وشربه البكره واستمر لمدة خمس ايام تقريبا والله يعافي بكرتك |
الي شرحته لنا احتمال الهيام او احتمال اكلت قطعت بلاستيك كاسةزيت الزيتون تشربها طيب مع علاج الهيام |
اخوي ابن شديد مثل ماقال اخوي فهد البلوي البكرة اكلة كيس او بلاستيك وعندي بكرة صابتها مثل حالة بكرتك وجبتلها محلول ابيض من الصيدله مايحضرني اسمه والدواء هذا يميع البلاستيك ويطلعه ان كتب الله ومن عقب هالدواء يالله لك الحمد تعافت البكره وعانها لقحه هالسنه والله يشفي بكرتك وحلال المسلمين |
الأخوان ...... مسعود العماري/ عبدالله العتيبي / عبدالله السهلي /فهد البلوي / نادر العتيبي جزاكم الله خير وبيض الله وجيهكم |
السلام عليكم ورحمة الله... البكرة سقيتها كاس زيت زيتون وعطيتها ابرة هيام هندية , هذا كافي وإلا اعيد الجرعة الله لا يهينكم |
زيت الزيتون لو تكرره مافيهالاالعافيه والابره انا جربتها بعد15يوم والفيتامينات بالماء طيبه خاصة فاتحت الشهيه |
الاخوان ماقصروا ولاعندي مازيده وان شاالله تطيب ولا تشوف شر بكرتك يابن شديد |
فهد البلوي / زاهر العرجاني..... جزاكم الله خير وبيض الله وجيهكم والشر ان شاء الله يعداكم |
الثوم ينقع مع الماء يقال انه يقتل الجراثيم و يعالج الألتهابات داخل امعاء الناقه |
السلام عليكم فية علاج مجرب وهو كالتالي: 1 - ملعقه حبه سودا. 2- ملعقتين حلبة. 3- فصين ثوم اللي كبر حبة الزيتون. تضع الجميع في جيك لبن رائب وتصبه في حلقها ليلياً ولمدة 40 ليل. والشفاء من اللة و بتعافى إنشاء أللة. |
| الساعة الآن 55 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |