|
تسمين الابل ودنا يالربع لو اللي يدخل يعلمنا كيف يسمن أبله يعني وش يعطيها من علف يخلي البل تردم بشكل ملحوووظ انا سمعت ان النخاله لو تخلط بماء تردم بالبل بسرعه وبشكل خيالي اللي جرب هالطريقه يعلمنا وياليت اي واحد يعلمنا خلطه او تركيبه يعلمنا عن اخطاراها ولاهنتوا جميعا |
هناك اكثر من طريقه بالبدايه اذا كان عدد الأبل بسيط فتعطيها ابرة جرب + ابرة هيام .......... لتنضيف العام وتنشيط الأبل اوحبوب الدود تفيد بالغرض هذا قبل العلف للتأكد من سلامت الأبل والأبر هذي والحبوب ان مافادة مامنها أي ضرر بخصوص التسمين هناك طرق كثير بذكر الي جربة نا منها 1 . النخاله ( الشوار ) + شعير وينقع بالماء قبل العلف بمدة ... واهو يكيفك عن الحشائش ممتاز للتسمين . 2 . الشعير النقوع بالماء + برسيم ... وهو ممتاز واغلب أهل الأبل يستخدمونه 3 . الشعير المجروش واهو في التسمين ممتاز وخاصه للحيران والفطير هناك طرق اخرا .. مكعبات الصوامع واهو انظف شي ونادر الوجود حتي ناقته ما تاكل الدمن اعزكم الله .. هناك فول الصويا واهو قوي جدا في التسمين وناقه تشحم بمدة قصيره ووبرتها تزين لاكن أغلب البدو ما يفضل تسمين الأبل بالوقت احالي يقول ان ناقه ما تسمن وتمسك حال .. لاكن ان بغيت التسمين إذا دخل الصفري عليك وناقته تشحم بسرعه وافضل وقت للعلف عن طريق تجربه شخصيه هي قبل صلاة المغرب بوقت بسيط يكون الجو برد والأبل تبرك وبكونها مليانه وسلامتكم |
بيض الله وجهك وماقصرت وانت وافي اقتباس:
وانا على حد علمي ان الشعير يخيس اليا مني نقعته ولاهنت عالرد |
التنقيع من ساعه الي ثلاث ساعات وهذي المده كافيه ان تلين حبة الشعير فيها والنخاله وبهذي لمده لا يخرج منها ريح |
كفى ووفى ابن شريه مع اني ما افضل النخاله لن الي ما يخزنها زين تسمم وتسبب على البل لكن كما تفضل اخوي ابن شريه لو تعطيها دواء الدود والي جربته انا السايل الي يحط بالماء يقدر كميته عدد البل وتكون على جرعتين بينهم 15 يوم تقريباً وبعض المكعبات تردم شحم واذا قطعت المكعب عنها نزلت الناقه بسرعه الي اعرفه الافضل الشعير والبرسيم ويكون بوقت محدد فطور وعشى والله يوفقنا وياكم والمسلمين |
ابن شريه ماقصر ابد جعل والديه ومن يقرا في الجنه ولاكن الشي المعتمد عندي من كلام ناااس يسوون هالطريقه الشعير + النخاله تخلط مع بعض ولاعاد تنشد عن غيرها مره اما عني انا شعير مجروش + رودس او تبن في وجه العدو او ذره يعني الحشايش مشكله من هالانواع والشعير ماغير المجروش شي اعطي وتقبل تحياتي |
بيض الله وجيهكم جميعا معلومات قيمة ومفيده للجميع |
بيض الله وجيهكم جميع محمد بندر سالم حمد ولاهنتوا |
كفيت ووفيت جزاك الله كل خير |
جزاك الله كل خير |
اخوي اذا بغيت البل تسمن عليك با الخبز اليابس والتمر تنقع 20 كيلو ب50 لتر مويه تنقع التمر لمده 3ايام وتاخذ الماء بتشرب البل منه على شبع لمده 30 وبتشوف شي بيعجب ان شاء الله |
والسمسم الحب يسمن بسرعه |
عندك غدير وعندك وافي واحده كافي |
بالبدايه اذا كان عدد الأبل بسيط فتعطيها ابرة جرب + ابرة هيام .......... لتنضيف العام وتنشيط الأبل اوحبوب الدود تفيد بالغرض هذا قبل العلف للتأكد من سلامت الأبل والأبر هذي والحبوب ان مافادة مامنها أي ضرر بخصوص التسمين هناك طرق كثير بذكر الي جربة نا منها 1 . النخاله ( الشوار ) + شعير وينقع بالماء قبل العلف بمدة ... واهو يكيفك عن الحشائش ممتاز للتسمين . 2 . الشعير النقوع بالماء + برسيم ... وهو ممتاز واغلب أهل الأبل يستخدمونه 3 . الشعير المجروش واهو في التسمين ممتاز وخاصه للحيران والفطير هناك طرق اخرا .. مكعبات الصوامع واهو انظف شي ونادر الوجود حتي ناقته ما تاكل الدمن اعزكم الله .. هناك فول الصويا واهو قوي جدا في التسمين وناقه تشحم بمدة قصيره ووبرتها تزين لاكن أغلب البدو ما يفضل تسمين الأبل بالوقت احالي يقول ان ناقه ما تسمن وتمسك حال .. لاكن ان بغيت التسمين إذا دخل الصفري عليك وناقته تشحم بسرعه وافضل وقت للعلف عن طريق تجربه شخصيه هي قبل صلاة المغرب بوقت بسيط يكون الجو برد والأبل تبرك وبكونها مليانه وسلامتكم[/QUOTE] |
لاهنتوا يالربع |
| الساعة الآن 53 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |