|
بعير مهيوم اخواني انا عندي بعير مهيوم وظربته بأبر هيام وطاب وهو ضعيف حاله ... والحين يطلع زبد من فمه خفيف وش الحل يالربع هل استمر بأبر الهيام ام له دوا ثاني والسلام عليكم نايف الحميداني ... |
يالحميداني انت تسأل وابسئلك وشهي اعرض الهيام على الناقه |
هلا بك يالعضيله الفحل سلمك الله قبل سنتين كنت هاده بالبل ولما جاء بنهاية الهداد ابعير ينعزل لحاله ولا يرعى وكانت عيوونه تهامل اما الحين لا وطلع ورم ايمن الزور وايسره ويمتد فوق الى الجنب وضعف الفحل الين غداء عضم وجلد وقلت والله انه خلاص بيمووت بس انجاه الله واستمريت معه بالعلاج انوع ابر الهيام ماخليت ابرة هيام الا وضربته فيها طبعا اخذت فترة طويله يعني الشتويه الي راحت ماهديته لانه مااستصح ولا شال حال وبعدها زان البعير وزان وجهه وخاطره وربخ قبل ملصق بطنه يعني تشووف الفحل تقوول مافيه شي بس انه منقطع وقام يطلع زبد باخر فمه والورم صار قاسي حييييل تقوول حصاة ولك جزيل الشكر |
عط البعير ابره فيتامين مقويه للدم واستلمه باللقم وحط وسط اللقام فصوص ثوم وغره بحلبه منقعه من الليل فالماءوبأذن الله يشفى |
الزبد حسب كلام احد الدكاترة هو من اعراض الدود وجرعة الهيام كافية ولاتكرر الا بعد اربعة اشهر ويفضل انك تعطيه حبوب دود مركز وتعيد له الجرعة بعد اسبوع وان شاء الله تشوف نتايج طيبة |
الله يعافي بعيرك ان شاء الله انا عندي عشرى مهيومة قبل العام وأعطيتها ابره هيام + ابرة فيتامين مقوي وتعافة وهذة السنة عاود فيها الهيام واعطيتها نفس الجرعة لاكن بدون فايدة والناقة الحين كلها منتفخة ياليت تفيدوني |
الله يعطيك العافيه يالحميداني على الرد والزبد زي ما قالو الاخوان يجي من الدود ولا من الشوكه احيانا |
مع الاخ مسعود العماري |
فيه امر ودي الفت نظرك اليه ربما يكون السبب افتح فم البعير وافحص الاهداب الموجودة في خدود البعير من الداخل جهة الاسنان القواطع اذا وجدها ملتهبة فهذا يعني انها تدخل بين الاسنان وتسبب له الالم الذي يمنعه من الاكل وعلاجها هو تقطيعها بمقص وفركها بالملح وايضا التهاب اللهاة يجعل البعير يزبد ومن اعراضه صعوبة البلع ورفع الراس لاعلى ونفضه |
اللي اعرفة ان زباد البعير امر طبيعي لان ابرة الهيام معروفة بعد ماتضرب البعير ب٥ او ١٠ دقائق يظهر زبادة . |
بارك الله فيكم يااخواني ابي ارد على بعض الاخوان من ناحية انه طبيعي الزبد بعد الابره صحيح ولاكن الزبد له فتره فيه مو جديد او بعد الابهيسييييي الابره الزره فيه قبل لااعطيه الابره ولاكن الي فاتني هو علاج الديدان وعلاجك جميل جدا الي هو الحلبه المنقعه الخ علما بان الفحل شهيته زينه ياكل ولا تقد على اكله لاكن انا خايف يكوون مثل العام العام ربطته هو وفحلين معه والفحلين زادن وردمن من الشحم الا هو زاد بس شي بسيط اشكركم مره اخرى اخواني |
مع الاخ مسعود العماري |
يااخوان الفحل رجع عليه بلاه رجعت عليه الاورام من عند النحر ومن عند ذكره والله يالاخوان اني بديت اييس من هالفحل ماادري هل اوديه للكليه البيطريه او لا |
اقتباس:
السلام عليكم ورحمة الله وبركاته فيه عندي مقطع صوت سجلته من قناة الصحراء لوصف علاج الهيام حاولت احمله بس ماطلع عل شان تعم الفائده لكن ارسل بريدك اللكتروني على jasser5_55@hotmail.com عساني اقدر احمله وكلمني اذا ارسلت عنوانك 0546471744 وتقبل احترامي وانشاء الله تبشرنا بسلامة البعير اخوك علي فاضل |
| الساعة الآن 02 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |