|
قرع الحيران يا اخوان عندي مفرودة لعب فيها القرع لها اكثر من شهرين كل شي سويتة لها زيت محروق فازلين ابرة دهانات مو راضى يروح شنو الحل |
بسيطه يالعازمى الدوا فى اقرب بقاله وهو ساءل كلوروكس المنضف للثياب خففه بالماء ورشبه الحيران كل ثلاث اربع ايام لان القرع بحاجة المتابعه مجرب او استخدم مرهم الكبريت تدهن به بعد تنضيف مكان القرع المهم متابعة العلا ج او تركه مشششششششفى مزاين |
مشكور اخوى عيد المنصوري ولاكن كيف يعني الوركس كم الكمية ووين احصل مرهم الكبريت |
هلا ياعبدالله الكلوروكس clorox هو مايسمى المبيض متوفر بجميع البقالات واستخدامه كوب كلوركس مع ثلاث اكواب ماء وتغسل به المطيه جيدا مرهم الكبريت تجده بالعيادات البيطريه وهو مرهم اصفر اللون واعتقد صناعه اردنيه ودمت |
شكرا جزيلا |
عليك بزيت السمك عندك اقرب محل لقلي السمك خذ من عنده الزيت المقلي فيه سمك يعني زيت مستخدم ويمكن يعطيك اياه من دون مقابل استخدمه لك ثلاث او اربع مرات وتشوف الفرق |
يا عبدالله .. أخذلك بخاخ حق تنظيف الزجاج وحط نصفه كلوركس زي ما قال اخوي عيد والنصف الآخر ديتول .. ورش به البكرة لمدة خمس أيام .. شي انا مجربه شخصيا في بكرة كانت عندي ذبحها القرع وبحمد الله طاااااار القرع في غضون أسبوع وبالتوفيق يا عبدالله |
القرع من الفطريات وبيئتها المناسبة جلد الحيوان اذا كان معرض للهواء كل ماقالوه الاخوان جميل و قد يكون مفيد باذن الله وهو عن تجربة لكن بعطيكم تجربتي عندي قرع استمرلمدة ثلاث سنوات ما ينفك من حاشي الا ويروح لحاشي ثاني زيت محروق وبخاخ صدا وزيت عافية مع ملح وفازلين ودهون الكبريت والظاهر ان مراح البل الأول بيكتشفون فيه بترول من كثر الزيت اللي فيه جاني واحد من الاخوان وشرحت المعانة مع المرارة واعطاني النصيحة الذهبية وهو مجربها على الجرب وانا جربتها على القرع اذا القرع متغلل زي اللي كان عندي اول شي حلق حشوانك تحليق ام رقيبة كامل في مكان بعيد او مراح تبي تشد منه وبعد التحليق اجمع الوبر واحرقه لأن فطريات القرع لا تموت وسوف تمسك في حاشي آخر ويكون عدوى لأبلك او ابل مسلم ثاني لا تحك القرع لأن اللي يطيح سوف يعيد العدوى بعد ذلك اي مادة كيميائية اغسله فيه واماكن تجمعها خاصة اللي هي زي البثور معروفة بعد ذلك لابد من كتمة انفاسه عن الهواء لا يشم الهواء ابد (( القرع)) الفازلين يؤدي الغرض دهون الكبريت البيطري أفضل ورد عليهن مرة ثانية بالدهون بعد يومين وتأكد انك ما خليت شئ وموفقين |
والله جربت اشياء كثيره ولكن الفازلين اشوف انه اللي ناسب معي ويوضع على القرع وبدون ان تحك المكان اللي فيه القرع والحمدلله مرتين اوثلاث مرات ويروح ولكن اللي متمكن فيها القرع اي راش جسمها علاجه الوحيد وانا جربته هو الماء ان تعزل الحاشي وتغسله غسيل كامل بالماء والتايد وتخليه في الشبك لحاله وكل يوم تسبحه بهوز الماء تسبيح كامل مرتين اوثلاث مرات وهذا اناء جربته في بكره عندي كانت كلها قرع حتى ذيلها وراسها ولله الحمد سلمت ولكن كنت اسبحها في اليوم مرتين وسلامتكم |
يمدحون زيت جوز الهند اللي في البقالة ويمدحون الصابون تايد وأنا أفضل القطران |
السلام عليكم جميع ماذكره الاخ الفاضل عيد المنصوري والاخ عزيز الحميدي صحيح من استعمال الكلوركس المخفف بالماء والحك جيدآ وتنضيف المنطقه المصابه وما حولها وعزلها بالفازلين او اي ماده زيتيه لمنع وصول الهواء واضيف ابره الجرب الامريكيه بمقدار 10 سم ليكون العلاج من الداخل والخارج ولكم تحياتي |
انا جربت علاج وصفه لي الاخ راشد العرق ونفع الله به من اول مره ...وهو كوب سم صافي تركيز 10 + كوبين زيت عافيه او اي نوع من الزيت وخلطه مع بعض وغرق به القرعه ولا تخليه ينزل منه شيء فقط تليين وعلى طول وحده بوحده. |
السلام عليكم ياجماعة الخير انا جربت جميع الدهونات وكلها نافعه وطبعا تختلف طول الفتره بين دهان ودهان ولكن فيه دهان ممتاز واشوف الربع ما ذكروه وللعلم اذا تبي فرقا القرع تبع التالي 1/ اغسل الحاشي بماء اول يوم وثاني يوم مع تايد وثالت يوم حط دهان قريز شحم مال السيارات التشحيم هذا له قوه وفعال ولا تجرح مكان القرع ادهن المكان بس وبعدها بثلاث ايام عيد الدهان وبعدها بثلاث ايام عيد الدهان وشوف النتيجه بس اهم شي غسيلها قبل الدهان والتحليق الجيد مودتي لكم |
انت شكلك تعالج الحوار وتخلي الباقي عشان كذا يعديه الامر سهل جداً رح لاقرب بيطري وخذ بخاخ القرع لونه اخضر مهوب العلبه لون البخاخ وامسك الحوار وحك القرع لين يطلع الدم وبخ عليه وانا او عدك بعد اسبوع بالكثير اسبوعين ماتلقى شئ بس فتش الحوار ترى القرع ينتشر في اماكن ماتشوفها احسن شئ حلقه عشان تشوف القرع وين وبس حتى اللي مافيها فتشها تلقى فيها لانه يعدي بسرعه.... بعدين ترى مامنه خطر شديد تطمن تحياتي |
يا اخوان لاتطولون السالفه ....جربت ملح ساسا الناعم وعجنته بزيت وستلمت الحاشي تغطيه كامله وتبليغ با الوبرلان الوبر يمسك الزيت لفتره اطول والتحليق مايمسك عليه الزيت والملح وهذا شنبي الي يقول السوداني |
| الساعة الآن 54 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |