أبي رأيكم بهالحوار بكل صراحه؟؟
 

السلام عليكم

ياشباب أبي رأيكم بالحوار بكل صراحة ونصيحتكم وشي

هل نصبر عليه ونفحله والا السوق

مرحبا أخوي محمد
نصيحتي السوق ابرك لك

بأختصار الحوار من متوسط الى اقل من المتوسط
والحقيقه انه مايبين زينه الحين اصبر عليه شوي واحكم الحين الحكم فيه خطأ

اخوي انا اقول لك حوار ما تقدر تدخله المزاين بعه ابرك وهذا ما هو مرقم مع الشوط القوي وانت صاحب القرار انت طلبت الراي وهذا الجواب والله يبارك لك في حلالك( ان كان ابوه معروف يمكن يزين عقب ما يكبر ان كانك من بحاجته خله لين يكبر وشف )
تقبل مروري

الحوار من متوسط

والحقيقه انه مايبين زينه الحين اصبر عليه شوي

مرحبا يابوناصر اذا ابوه طيب وامه ام الفحل فهذا العامل الاهم اللي يغفل عنها كثير من مربين الابل الساس الطيب والقعود صورته الاولى ماعطته شكله الطبيعي اما صورته الثانية زينه وشكله طيب وينصبر عليه حتى يتظهر شكله والقعود ماهو على سنع اهتم فية من صوب اللبن والبرسيم .

يالله حي كلن باسمه

وشرفتوا الموضوع كلكم وتشكرون على الصراحة لأن المثل يقول كلمةً تستحي منها بدها

وفعلاً كلامكم صحيح ما حد يقدر يحكم على حوار الا ان كان ساسة طيب ولكن قلنا نشوف مبدئياً وش رأيكم فيه.


سؤال : ماهو السن اللي يقدر الواحد يحكم في على القعود هو طيب والا لا .

السن معك يا سنايدي إلين يوصل جذع
واهم شي اصل القعود اذا كان اصله زيييييين
الصبر عليه ياما حيران من تحته وزانت

الحوار من متوسط

الحوار مواريه زينه وسرته زينه وعرنينه وسبلته زينه لذلك اصبر عليه الين يصير حق ويبين خاصه ان كان عافيته زينه.

من حق وفوق الين يشق نابه الثاني وهو يا يزين يا يشين
انت لاحظه ان كانه في زين فحله وان كانه في شين اتركه
ومثل ماقالوا الاخوان اهم شي الساس

والله حسب معرفتي ان القعود من يوم يفهق الحقاق
ويجي القيض اللي عقبه يلقي
يطلع على بنكه
الاصلـــي

يابو ناصر

اذا ساس القعود يهده من صوب ابيه ومن صوب امه

فاصبر عليه وشفه شرحه وش هو بيسوي بيتطور ولا بيتردى

وعقبه احكم انت بنفسك وبتدري من كلام ربعك وصحبانك اللي بيشوفونه عندك


وبيعته هالحين ماهي مغنيتك ولا زايدة راس مالك

السوق وانا اخوك

كلام اخوي راشد عين العقل

الصبر زين