مواقفك يابن مهنا جزيلات= ويمناك من مدات جودك جزيله
ياشيخ طيبك فاق كل الروايات= انت الدي بالطيب مافيك حــيله
ياشيخ طيبك في جميع المجالات=قديـم ماهو بـــين يوم وللـــــيله
ماهوب همك مدحهم بالقنــوات= من قبلهم رقيت راس الطـــويله
الطيب دامك حي ياشيخ مامـات= يالله عسى عمرك سنــين طويله
تفزع بجاه ومال ماهي حكـايات=وتشيل حمل غيركم مايشــــيله
ياما حملت من الحمول الثقيـلات= وخفاف حملك عند غيرك ثفيله
قضيت عمرك بين وقفه وفزعات= لك ينتمي الطـــيب ماتنتــميله
مال الجمايل والـعلوم الجمــيلات= ياكود من يتعب لفعل الجمـيله
عزالله أنـك وافي كـل الاوقـــات=ومواقفك ماتنـجحـد بالقبــــيله

ياسلامي على شيخ طويل الـــدراع = طيــب الراس تفـخربه قبيــــلة ســــــبيع
وافي بكل مد ووافي بــــكل صـــاع = ناصر بن مهـنا عـــنه مـحدن يضـــــيع
خدت فكره عنه واخدت عنه انطــباع = وباختصر بعض وصفه باختصار سريع
مامدحته سوى يوم اقتنعت اقتــــــناع = ان شخـــصه حـوى كل المراجل جمــيع
الكرم فيه فطره ماصطنعه اصــطناع = يدبح الحــيل ويفــــك الاســــير المـــنيع
مالبس له بوجهه مثل غـــيره قـــــناع = ولاتـــعلم حيـــــاة البهـــرجه والصـــنيع
ياكريم الســجايا ياحــميد الطـــــــباع = انت للطيب قدوه وانــــت قـــدرك رفــيع
تكسي العاري وتطعم ضعوف جــياع = ومن يجيلك يــعود مــنك صدره وسـيــع
حي رجل بطيبه يفــعل المســـــتطاع = حـــي رجـــــل يــقدم كل مايســــــتطيع
طيب الدكر دكره مع هل الطيب شاع =وراعي الطيــب دكره لازم انه يشـــــيع
المواقف يبين بها لردي والشـــــجاع = والاوادم تعشـق اللي كـريم وشجــــــيع
نفتخربه وطيــــــبه دون شك ونزاع = طيــب لسبــيع تفخـربه قـــبيلة ســـــبيع