نبي الخبر الاكيد ياجماعه
 

[size=4]السلام عليكم ورحمة الله وبركاته

الله يمسيكم / يصبحكم بالخير جميعا


ودي يالربع كرما لا امراً اللي عنده خبر البعير اللي عرض مع ابل ندى بن عشون في ام رقيبه يوم يفوز بالنخبة اول مره يعطيني علمه


وش ساسه ومن هو من ابله وشلون انتاجه مع ابن عشوان وعلومه كلها ولا عليكم امر

[/size]

والله ماعندي علم
لكن ننتظر من الاخوان الرد

ان شاءالله يفيدونك الاخوان

هذأ ولد بعير الضبعه

شريه ندى بمليون واربعميه

وانتاجه طيب

السلام عليكم ورحمة اللة

القعود اللي عرض مع ندى بن عشوان

من انتاج لافي سعد الضبعة الشيباني اخو ناقة ضيدان ابن هويدي سلطانة الحاصلة على المركز الاول للفردي في مزاين ام رقيبة

والقعود حاصل على المركز الثالث مكرر في مزاين نوفا

وفحل لافي الضبعة الهرش انباع على صاحب السمو الملكي الامير سلطان بن عبدالعزيز

بثلاث ملايين

اما انتاج القعود ماشفتة واللة

بس وجه السعد بين ساس وراس ومهدود في نخبة البل

وساس الفحل مقيم مع الضبعة من العراق

الاخ فهد بن خميس


البعير اللي عرض مع بن عشوان

عندما ياخذ النخبه المره الاولى

عرض معه قعود في اول هداده

كان ولد الهدب وانتاجه طيب

وهوالان عند الامير فهد بن سلطان امير تبوك


وعرض معه بعير ثاني وهو كرعان بعير بن مطرود

واما البعير اللي عرض في السنه الاخيره

في نخبة النخبه هو ولد بعير بن الظبعه

ارجو ان تم التوضيح

لاهنتوا جميع

ماهوب ولد بعير الضبعا يالربع انا خابر ولد بعير الضبعا عرض معه في نخبة النخبه مثل ماقال اخوي فهد العبدلي


انا انشد عن البعير اللي عرض معه اول نخبه البعير الاصفر الهايل اللي كل مامنه زين سمعت طرف علم وكاد انه من زمول الامير سلطان


وان ابن عشوان هده هاك السنه فقط وعقبها ماعادادري هو عنده مدري هو رده للامير


الوكاد ان معروض علي قعود ولده وعليه وسم وشاهد بن عشوان والقعود مايلفت النظر فيه الا وسم ابن عشوان وعمره فاخر ولا زين ماهنا زين ذا حاله مار ان كان انتاج ابوه ززين وامه من ابل ابن عشوان ترجيت الله فيه وان كان غير كذا الله يرزق راعيه

البعير اخوي فهد

هده بن عشوان منيحه من الامير سلطان بن عبد العزيز

الله يطول بعمره

وهو قعود في اول ضرابه

وهده بالصفري الهداد الماضي قبل نخبة النخبه

لمدة اسبوعين تقريبا وارسل الامير فهد بن سلطان

عليه واخذه وانتاجه طيب على ماسمعت

وتاكد من ابو هابس بتلقى العلم الاكيد

عن انتاجه والبعير هو ولد الهدب مافيه كلام

لان ماعرض معه الاهو وبعير مطرود

كرعااان

والله يوفق الجميع

السلام عليكم ورحمة اللة

اخوي فهد احسبك تقصد اللي عرض في نخبة النخبة

انشاء اللة الخوان مايقصرون

جاوبوك الاخوان وما قصرو

والله يرزقك من فضله