|
رايكم !!!! ياربع ابي رايكم اذا شريت ناقه في القيض قبل موسم الضراب وهي حايل بس قد استالدت هل اذا قرب موعد الضراب تجيب لها دكتور يفتش عليها والا تنتظرها كمن اضراب |
يا مرحبا يا سعود ما تحتاج دكتور انشالله ظربها اول شهر عشره وبعد اسبوعين اعرضها على الفحل واذا ما لقحت جيبلها دكتور وسلامتك |
مع اخوي نواف |
لاهنتو يالربع وشرفتو |
مع الأخوان بس اول الوقت تصبر عليها وضربها مره ومرتين وهناك ابل ما تمسك من اول مره وبعد فتره جيب لها دكتور ان أيست منها |
انا مع الاخوان ولكن خفف لها الطعام من الحين علشان تخف |
إذا هي سمين ( مردم ) خفف طعامها.. مثل ماقال أخوي عبدالعزيز ولا يهونون الباقيين وأن شاء الله تطرح لك بكره مزيونه تسمّح خاطرك.. والله كريم هو الرازق سبحانه وتعالى |
الله لايهينكم يالربع على الردود الي تشرف |
انا اقول لك احسن لك جيب من الحين لها دكتور وانت في النفس والدكتور متفهن بعدين ما تلقاه هدي نقطه الثانيه ما تدري ويش بيلاقي لي دخل عليها يمكن يبي لها شغل والا كورس 20 يوم والا شهر ويمكن تفدر الركاب وانت رايح جاي من تجربه جيب الدكتور من الحين انا جبته من شهر والله يكتب الي فيه خير |
ابوسالم هذا الي ابي اوصل له انا خايف من هذي النقطه الثانيه الله لايهينك وبيض الله وجهك |
اذا كانت حايل لاهاجت الفحول جبلها دكتور يدخل عليها قبل تضربها وشكراااا |
ســــعود أخذ شوري وأنا أخـيكـ لابلاه ألا جب لـها دكــتور قـدام يروح عليكـ الوقت أن كنت فسرا راح عليكـ السرا وأن كنت مقيم ومر عليكـ بعير" طيب راح عليكـ وأن كان عندكـ بعير بيقعد كل ضراب فارسها جب لكـ دكـتور وريح راسكـ أخذ كلام واحد مجرب عشرين مره ,,, وسلامتكـ وعفاكـ |
الاخ سعود السعه ولا الضيق انت توك للحين في السعه ولا تعرف ما قد يصادفك عند احضار الطبيب انصحك بما نصحك به بعض الاخوان من اللحين جب لك دكتور ينظفها ويعالجه وتكون جاهزه للضراب في وقته بدل من فوات الوقت وتقبلوا تحياتي |
| الساعة الآن 31 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |