وش علاج الناقة
 

السلام عليكم ورحمة الله وبركاته
أخواني عندي خلفة كانت سمينه وحالتها زينه فجئة بدت تضعف والحين ضعيفه مره منقطعه مع ان اكلها زين لاكن ضعفت شفت دمنها اكرمكم الله زين مثل الابل مافيه فرق
لاكن لاحظة انها ماتجتر
مع العلم اني معطيها ابرة الدود سوبرافميك قبل 20يوم تقريبا وكررة الجرعه قبل امس وعطيتها ابرة الهيام الفرنسيه
وش علاج الناقة الي ماتجتر
وجزاكم الله خير

هلابك اخوي ومرحبابك

وناقتك بذن الله مافيها شر


يمكن الحوار ماصها ومن شوري تعزله عنها اذا عمره فوق الربع شهور

وبذن الله باتسمن

اكيد فيها دود لاكن الابره اللي عطيتها الناقه ان شاء الله تفيدها ونتمنى لها الشافاء العاجل باذن الله

ماقصرو الاخوان

مع ما تفضل به أخي راشد

و أن كان اللي تحتها بكره من تصبح الناقه شملها ولا تفك شمالتها الا تالي نهار

معروف ان الخلفه تضعف من الحوار
أكيد انك ماتشمل الخلفه او ماتعزل الحوار عنها يعني دايم يلهجها وهذا يضرها ويضر الحوار بعد لأن السمنه الزايده يمكن تتطرق يدين الحوار او يجيه ذراق من الحليب خصوصا ان الجو حار هالايام

اخوي اذا الناقه سنامها ولهودها ضعيفه وبطنها كبير فهي من الحوار والحليب اذا هي تحلب
واذا بطنها ضعيف فما معها الا دود
هذا على حسب خبرتي المتواضعه
وسلامتك وانشالله الله يشفيها

الاخ ظافر
الناقه اذا ما اجترت يعني فيها بلا لانها لازم تجتر
التوقعات
ان عندها نفاخ في الكرش او باشمه من الطعام وتقدر تلاحظها في عدم الاكل.. البروك الواجد ...ما تسرح
او ما كله شي غريب او عود وناشب في الكرش
انصحك
عطها باميه مجففه مع ماء يضهر اي شي غريب
عطها بصل ابيض مقطع 2 او 3
ومثل ما تفظلو الاخوان الناق الخلفه طبيعي تضعف اذا طعامها مثل ماكان قبل الولاد

جزاكم الله خير وبيض الله وجيهكم كل واحد باسمه
أخواني الناقه اشوفها ماتجتر من أكثر من اسبوع
أخوي فيصل بن مرخان الباميه المجففه وين احصلها في الرياض او انا اشتري باميه واخليها في الشمس لين تجف وهل تطحن الباميه او احطها في الماءعلى حالها واغرها
والبصل وشلون طريقته الناقه بتاكله او احطه في خبز
ولو استغني عن الباميه بزيت الخروع نفس النتيجه او فيه فرق
وجزاك الله خير

ولومافاد شف لك حلتيته وحطها في لقمه وعطها وان شاءالله بتلاحظ الفرق
والحلتيت بتحصله عند اهل القهوه واهل البزار وغيرها

أخوي علي جزاك الله خير
وش مقدار الحلتيته نص كاس أو اقل شوي
والحلتيته وش فايدتها هل هي تسهل البطن