الرجاء الدخول للأهميه
 

السلام عليكم

يالربع انا عندي قعود حق ذالسنه

والعام شاركت به في مزاين جهويله

وخذ الخامس .. ومن بعدها وهو في حاله

يرثا لهاا ورحت للمطاوعه المناصير وخذيت

من عندهم ماء وملح قراين فيه وخف النفاخ وعقبه رجع نفس اول

القعود ياكل ويزوع اللي ياكله على طول وينتفخ وينفش بروحه

وديته قبل شهرين صوب مستشفى الملك اللي في الحساء

وسوو له عماليه في الكلو وعينو في بطنه حبال رودس

وطلعوها وقالو في حلقه جرثومه وعطوني ابر لمدة شهر

وللأسف ما فيه فايده للحين والقعود يزوع ولا ادري

هل هي عين ولا مرض

ياليت تفيدوني ولاهنتو على كل حال

الاخ راشد المري
يرجى ذكر نوع الابر اللي اعطيتها للقعود
وهل القعود يشرب عادي
اخي العين حق لكن اعتقد المشكله مثل
ما قالوا الاخوه في مستشفى الاحساء بالحلق
وانشاء الله بسيطه

وتحياتي

ياخوي راشددام القعود يزوع عطه تمر معفوك بالعسل حبات صغيره بدون العجم ولا تخلطه بالماء

وابعده عن اي شي خشن مثل الرودس والبرسيم

وعليك بالنخال

والله يشفيه ان شاء الله

الاخ راشدالمري

الفحل انشاء الله سليم
بعد دراسة الحاله الطبيه وعرضها على الاختصاصي
بالهضم جاءنا الرد التالي
بعد العمليه الجراحيه لم يتم اعطاء القعود دواء للمعده لذا يرجى
عمل الاتي ابحث عن ذبيحه صاحيه واذبحها واجمع ماء الكرش وغره القعود
لانه به بكتيريا نافعه وهي المسئوله عن الهضم ولان هذه البكتيريا ميته بسبب العمليه الجراحيه
لايستطيع الهضم ويصيبه نفاخ وبعد ذلك يزوع ما اكله بعد ذلك خفف عليه الاكل واطعمه برسيم
كميه قليله شرط ناشف ونخاله مخلوطه بالماء ولا مانع من التمر المريس يعني مذوب بكميه خفيفه من الماء

طريقة الاخ نمر الشيباني جيده لكن بعد ان تسقيه ماء الكرش الطازج ولا تستعجل عليه
بزيادة الطعام عندما ياكل طبيعي
والله الموفق وهو الشافي
وتقبل تحياتي
اخوك عيد المنصوري

لاهنتو فديتكم

بالنسبه للقعود يزوع قبل العمليه وبعد العمليه خف زواعه بس للحين يزوع

والابر عطوني ابر قالو هذي عشان العمليه ومادري ويش اسمها

ولاهنتووووو كفيتو وفييتو

راشد المري
مرحبابك وبالخدمه

ودمت

لاهنت فديتك ودمت يالغلااا

ارحب ياراشد

وهذي قد حصلت عند واحداً من الجماعه

وقعوده يزوع ولا ياكل وناشفً حاله

وطلّع عليه اكثر من دكتور وكلاً قام يسولف من سنعه .. ولا فيه فايده


وعقبها جاه احد من الربع وطرحو القعود وادخل ايده في حلقه ولقاء عود رمث ناشبً في أللهاته واظهرها

والقعود الحين مافيه الا العافيه


وجعل قعودك مايشوف شر ان شاء الله لاهو ولا راعيه


اخوك

الله يشفي الفحل ان شاء الله

اللهم انت الشافي لا شفاء الا شفائك.

الاخ راشد اخذ بنصيحت الاخوان الله يجزاهم بالخير. والله الشافي.

اخوك خالد

السلام عليكم ورحمة الله وبركاته


اخوي راشد مشكلة قعودك جت عندي في وحده من الابل واعطيتها ببسي العايله الكبير والحمد لله طابت بعد ثلاث ايام

جرب ولانت بخسران شي كلها اربعه ريال والله الشافي

اخوي راشد عند رفقلي قعود مثل قعودك مانفع معه الا تدريجه بلعلف شوي شوي كان يعطيه خبز يابس وبرسيم كل يوم يزيدله علخفيف لين تعود على العلف وصار يازن نفسه بنفسه وكان لاغيرله العلف وكثر منه يرجع على حاله يزوع اكله ولايستفيد منه وعسى الله يشفيه ويباركلك فيه

اللهم انت الشافي لا شفاء الا شفائك.

جعله مايشوف شر

ارجو من الاخ راشد اخبارنا بالمستجدات والله يشفي القعود