|
في أمس الحاجه لشوركم لا هنتوا !!! السـلام عليكم ورحمه الله وبركاته أسعد الله جميع أوقاتكم بكل خير والشهر عليكم مبارك جميعــاً ياأخــوان عندي مشكله في ثنتين من الابل عندي ضربتها الشتاء الماضي وواحده منها كسرت لقاحها الشهر اللي عقبه وضربتها أكثر من مره وعلى كذا فحل وتلقح وتكسر لقاحها والثانيه تمت في لقاحها وتشاول على الورع من هداتها وتأكدت من لقاحها إلى قبل اسبوع من الحين يوم شافت البعير بركت لها واضربها أكثر من مره (( وتحطمت جداً )) الحين يالربع انا مستصيب ومتحطم بصراحه وش الحل وش الدبره في الثنتين الاوله اللي كنت متوقع انها بتنتج في شهر 2 وفي الثانيه اللي عييت تلقح ؟؟ هل الحل اني ادخل عليها وانظفها ؟؟ أو وش الحل في نظركم تكفوووون اعجلووووا عليّ علشان اتدارك الوضع قبل الشتاء القادم وبيض الله وجيهكم لا هنتووووا |
السلام عليكم ورحمة الله وبركاته على حسب خبرتي لاتغرف عنها لاكن روح للبيطري وخذ أبرة جرب في اللحم ودق الناقتين لأن رحمها فيه جرب وبأذن الله تلقح وأن الله كتب لك فيها رزق بيرزقك وشكراً |
وعليكم السلام ورحمة الله وبركاتة هناك ابر تثبيت القاح وانا جربتها وكانت النتجيه طيبه والأبل انها تتكاسر هذا شي عادي قد يكون سوء تغذيه منك او سوء رعاية هناك نبتت ( الرشاد ) الي ينحط مع الأكل مع الجرجير والخضره نبتت الرشاد تكاسر الأبل وتصعدها وهي خطيره على الأبل والهجيج يسكر الأبل والمبارك الصلبة ... وضريب الحيل للقاح .. هذي بعض الأمور انت غير نوع العلف وجرب الطرق ........ ابرة الجرب مثل ما تفضل الأخ محمد لان ابرة الجرب ان ما فادتك ما تضر بشي .. وعطهم بنسلين ومثبت للقاح .. وبأذن الله يلقحن |
ابن شريه كفى ووفى |
ان كانك لا كشفت ذيل الناقه عينت مثل الرقعه من الوصخ والتنضيف دخل عليها بحبوب التنظيف عند البيطري وبعد اسبوع ابر ه ايسره اسمها استرميت 0000000000000وانشا لله من اول ضراب تقوم لقحه |
| الساعة الآن 59 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |