وش علاج الجروح العميقه
 

بسم الله الرحمن الرحيم
السلام عليكم ورحمة الله وبركاته
اخواني الاعزاء مبرووك عليكم شهر رمضان المبارك اخواني عندي ناقه طاحت ايديها الثنتين داخل حديد نفق للمياه عباره والمسمي بفخ الابل وتسبب بجروح عميقه واحد اليد اليمن من فوق الركبه مايقارب شبر بالطول نشوف العضم واضح واثنين بايد اليسرى واحد الساق وبسيط والثاني علا عصبة العضيده من الخلف وهو قوي وحاولت خياطة الجروح ولاكن البيطري رفض يقول الي مر عليها يوم ماتنخاط وهي اخذت يوم عالقه بالحديدوالناقه سالمه الكسور ولها سبعه ايام باركه ماتقوم واكلها زين وخاطرها زين بس جروحها قويه بالحيل

ارجو من الاخوه الكرام من لديه الخبره او علاج شعبي للجروح او اي بصيره ان لايبخل علينا برايه
وجزاكم الله خير

الاخ حمود شف لك دكتور غيره
او انقلها لاقرب مستشفى بيطري

انقلها لاقرب مستشفى بيطري في الاحساء

الله يشفيه يارب

الله يفرحك بسلامتها

أهم شي تهتم لنظافة الجرح لا يزود اللي فيها لأنك اذا اهملتها بتكبر المشكله
الجروح تطيب من نفسها بس مثل ماقلت لك لازم تطهرها بشكل مستمر
والناقه اذا طولت في البروك خطر عليها <<<< لازم تنتبه لهالشي
هذا اللي عندي
والله يفرحك بسلامتها

الله يشفيه

مع الاخ فيصل


والله يشفيها

الله يشفيها ويبارك فيها

السلام عليكم ورحمة اللة وبركاتة

اخوي حمود ابشر بعلاج ناقتك وشافي اللة

رح للحواج وخذ منة قشر رمان ومره وخوا جوه

وطحنهم كلهم بنجر لين يصيرون ناعمين وشخلهم بلمشخال

وحط الخلطه على مكان الجرح وربط الجرح بخرقه

مده ثلاث ايام ورد حط ثاني مره وربط الجرح وخلك مواضب على الطريقة لين يسكر الجرح

وعلى ماقالو مجربة وحده بوحده

اخواني الكرام الله يرحم والديكم جميعا ويجزاكم خير ويعينا وياكم شاكر ومقدر لكل ردودكم
اخوي عناد
الجرح عميق واصل العضم وطوله شبر املاه من جوه عشي ولا احط شوي
الله يجزاك خير

اطحن قشر الرمان وطحن المره وطحن خو جو وشخلهم ومل الجرح وربطه مدت ثلاث ايام

وحط الخلطة مره ثانية واضب عليه كل ثلاث ايام حط وربط لين يجبر الجرح ويتسكر

الله يشفي ناقتك ويباركلك فيه

لاكن كما نبهم الاخواان انتبه عليهاا من الدود بيديهاا والتعفن


وابشرك انها بطيب ان شاء الله لاكن يبيلهاا عنايه شوي