|
الناقه اللي طايحه وجاها ورم في رقبتها وش علاجها الله يجزاكم خير السلام عليكم ورحمته وبركاته علومي سلامتكم يالربع أنا عندي ناقه طاحت على واحد من حياض العلف الحديد ونشبت فيه وخذتلها فتره قرابه الثلاث ساعات ولاعندها إلا اهل البل ولاقدرولها وبعدين عانا الله على اضهارها من الحوض ويوم قامت منه منسدحه على جنبها وبعدين عدلناها وبركت وخذت وقت وعقبن قامت ويوم قامت لافتن رقبتها يمين مره وفيها ورمين في رقبتها واحد من جهة اليمين والثاني من جهة اليسار وخفت لايكون جا الناقه كسر في رقبتها وجاها دكتور بيطري وشافها وقال هذا ماهوب كسر قال هذا يسمونه إنحياز في فقرات الرقبه وعطاها ابره في الوريد وابره ثانيه في الخويرم ومرهم في مكان الورم وقال استمروا علي العلاج لين يخلص.وانا طولت عليكم واللحين اللي عنده خلفيه على الطريقه ذي لايبخل علينا الله يجزاكم خير يالربع والله لايهينكم جميعا وتقبلوا تحيااتي.. |
ربي يشفيها ويطرح فيها البركة يفيدونك الاخوان ان شاء الله |
الله يرحم والديك والله لايهينك يافيصل ومشكور على المرور |
السلام عليكم يا اخوان الناقه توهنت ما عاد تقوم والناقه الله اعلم فيها رقب في رقبتها وله كي واللي يعرف كيه يعلمنا الله يرحم والديكم ضروري جدآ .. |
الاخوه المشرفين الرجاء الرفع |
الله يشافي ناقتك ويفيدونك الاخوان |
هلا يا فهيد ما ادي وشلون طاحت الناقه ولا شفت ورمها لــكــــــــــــــــــــــن عندي طريقه مجربه يمكن تنفعك انا عندي قعود رقبته معوجه يعني تقول مكسوره وجابره غلط وسويته ثلاث مطارق مع الرقبه على اليمين وعلى اليسار وبين المطرق والثاني شبر وشوي والمطرق يكون طوله شبر وبعد الكوي مالت زياده وبعد اسبوع انطلقت وعندي ناقه سناد وصارت عنجا ولا تطول العشب براسها لازم ترفع لها المعلف وكويتها ورجعت احسن من اول لكن الكوي يشوه الناقه سم بالله واكو |
اقتباس:
|
اقتباس:
ارحم الله والديك ياياسر والله لايهينك ويبارك لك في حلالك والناقه حاطينها في شبك ومعها ثلاث مطايا وفيه حوض علف حديد العادي ويقول اللي جاها الصبح عينها ناشبه في الحوض حاول يركدها وماقدر لها وخذت حول ساعه وعدلوها ويوم طلعناها قامت ورقبتها مايله يمين ويسار.واحد من الشيبان يقول ان فيها رقب ولازم كوي وكان بنكويها اليوم وماتت البارحه والحمد لله على كل حال وماقصرت ياياسر . |
قل هذا الدعاء : " إنا لله وإنا إليه راجعون ، اللهم أجرني في مصيبتي و أخلف لي خيراً منها ". الله يخلف عليك بأخير منها إن شاء الله |
اقتباس:
|
عساك ماترى باس في حلالك |
اقتباس:
|
فدت غيرها احب منها والحلال يفدى هله الله يعوض بخير |
اقتباس:
الله يرحم والديك ياعلي والناقه فاديه اماتها ولاهنت على المرور |
| الساعة الآن 39 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |