|
سؤال لاهل العرف اولاً أسأل الله أن يتقبل منا ومنكم ومن سائر المسلمين صيامنا وقيامنا ثانياً عندي حوار عمره تسعة أشهر هل أفطمة ولا بدري |
مســاء الخيــــــــــــــر ,,,, أخــوي الفاضــــل / ع ــايــض المشعلــــــي ’’’ أنـا مـن شـوري أنّـــك تخليّ الحـوار مـع أمّـــــــــه ليـن يجي لـه سنـــــــــه ,,, واللـه أعلــم |
هلابك اخوي عايض بالنسبه للبدو من اول مايطلع سهيل يعتبرون الحوار مفرود حتى لو عمره 6 شهور يبدون يطردون الحوار من امه هذا طبعا قبل الاعلاف عشان تيسسر ام الحوار ويظربونها والحين وعقب الاعلاف اكثر الناس يخلون الحاشي تحت امه لين تعشر وعقبه يطردونه |
اذا تبي تضرب امه افطمه ولا عليه حتى ابو ست شهور ينفطم ولايضره شي يشين في البدايه ويزين بعدها |
انا أقول خله يتم 12 شهر سنة أفضل له و لآمه و السلا م عليكم |
مشعل الشويش محمد الفاضل خالد الشيباني سلطان اللويحق أشكر لكم مروركم وإجابتكم على التساؤل |
مرحبا اخوي انا اقوول اذا هو قعود طيب وتبي تفحله خله عشان يزين واذا ما تبيه عادي افطمه واحسن شيء افطمه قبل الضراب |
اقتباس:
|
مع خالد الشيباني الفطام مايضر وعمر البدوي ما يحدد بالشهر مولد الحوار على شان يفطمه مثل ما قال الأخ . محمد الفاضل سهيل دخل .. يدخل الحوار مسمي ثاني حتي لو كان بو ست شهور ينقاله مفرود بعد سهيل عمر حوارك 9 شهور .. يعني انه ياكل ويشرب ولاهو محتاج الحليب مثل اول |
مع الاخ محمد شريه وكلامه صحيح |
اقتباس:
|
انا من رايي اذا كان بتضربه افطمه وما عليك وان كان ماعندك بعير هايج خل الحاشي مع امه وقبل لا تضرب امه افطمه منها قبل اضرابه بسبوع على الاقل وان كان الحاشي زين لا بلاه خل الحاشي مع امه وان كانه عادي افطمه منها خل امه يبن زود الشحم فيها وهذا رايي وانت براحتك |
والله بالنسبه لي اذا شفت الحوار حاله طيب واقبل الصفري شبكت كل المقهوور واركيت العلف عليهن وريحت امهاتهن منهن خليتهن شهر شهر ونص وكلن له طريقته |
| الساعة الآن 13 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |