|
أهم ثلاث أسأله وأبي منكم الأجوبه ... السلام عليكم ورحمة الله وبركاته وتقبل الله طاعتكم وأدعوا من الرب عز وجل أن يتقبل صيامكم وقيامكم وبعد ... بدأت اليوم أول موضوع لي في هذا المنتدى عسى أن يكون الموضوع مفيد ويحوز على إستحسانكم . والموضوع له ثلاثة أسئله وهي: متى يعتمد الواحد على نظرة بالمشترى إن كان فحل أو ناقة ومن الذي يستشيرة ويأخذ رأية ومتى يعرف إنه ماشي خطأ يعني ( مدوج ) وإن كان عندي بعض الحلول لهذة الأسئلة ولكن نحب الإستفادة من الإخوان والإستزادة من خبراتهم بهذا المجال . |
اقتباس:
السلام عليكم ورحمه الله وبركاته اخوي جاسم يعتمد الواحد على نضره في المشترى اذا قام يميز البل الطيبه من الطيبه مثال لويحطون خمس نياق مستواها متقارب ويجي ويعطيها ترتيب صحيح من 1 الى 5 من ناحيه الجمال مثال اخر اللي يفقع عيون البل لو يدخل في ميه ناقه مستواها متقارب طلع اطيبها ولازم يعرف قيمه الناقه لايكسر فيها ولا يعطيها ازود من حقها اما الفحل الفحل لازم تشوف انتاجه وتقارن انتاجه في اماته اذا الانتاج معدى اماته بشكل كبير او ينتج من الناقه العاديه بكره مزيونه او متوسطه الحال اما القعود لازم يكون ساسه طيب من ناحيه الاب والام وامه تكون طيبه من ناحيه الشكل وخواته طيبات من ناحيه الشكل اما الشخص اللي تبي تستشيره لازم يكون صاحب ذمه وضمير ويكون صاحب خبره ونضره طيب ويعرف قيمه الناقه بضبط ولايجامل احد تقبل تحاتي |
مع اخوي عناد ولاتعتمد على الوكلاء في الشراء الا مارحم ربك |
ألاخ عناد كفى ووفى |
ماقصر الأخو عناد كفى ووافى. |
مشكور على التوضيح والشرح الوافي ياخوي عناد وبيض الله وجه الجميع ومشكورين على المرور |
اخوي جاسم ممكن تفيدنا بحلولك |
اقتباس:
عندي أنا حكمة بالنسبة لراعي النظر والشور إذا كان حلاله أقل مستوى من اللي تشوره عليه ما آخذ رايه ولا أشوره لأنه فاقد الشيئ لا يعطيه-------- ولكن المشكلة كيف راعي الحلال يقنع إن نظره غير صحيح وإن إنتاج فحلة عادي وماتأخذه العزه بالإثم ويستمرفي غلاه اللي يسد عينه عن العذاريب ------------- |
بالبدايه ولا يهنون الأخوان بالنسبه للنظر .. هناك امور تسبقها والمشترا سواء ناقه طيبه ولا وسط .. بالأول عليه تعلم ....... امراض الأبل ........... ومعرفة الأعمار..... ومعرفة سلالات الأبل ومدرجها وأشكال طرح البعارين ومن ثم يجي دور الماده اللتي يملكها الشخص ..... ومع الماده يبتدي تقييم الأبل بمعني اني اذا جيت مراح رجال اشوف الأبل الموافقة المادة اللتي معاي واسوم واشتري سواء بمليون او بخمسة اللف ........... المادة هي الي تحكم على نظري ومن الناحية هذي انت تعرف نظرك وتقييمك للأبل مثل ما قال الأخ عناد وبالنسبة للذمة ... مع كلام الأخ عناد هناك بعض الأمراض اللتي يجهلها اغلب الأخوان الي بادين جدد في المشترا وهي امراض ليس لها علاج .....وتغلب على النظر ويقع فيها الكثير وخاصه نحن في وقت اكثر مافي البيع والمشترا الحلف والأولين يقولون البيع والمشترا وجه ذيب اسمحولي على الأطاله |
أنا بقول رأيي الشخصي إن الرجال مهمــا بلغ نظره ومعرفته لازم إنه يستشير ويأخذ معه رياجيل في مستواه.. بعدين أبعطيــك قـاعدة أستفدتها أنا شخصيا من آحد كبار السن وهي كلن يقيم الابل حسب مستوى ابله ..عرفت كيف!! أتمنى إني أفدتك أخووي جاسم..وآلاخوان عناد وبن شريه ماقصروا. |
بيض الله وجيهكم ماقصرتو اخوي جاسم اشوف ان حل للي مقتنع من انتاجه وهو دمار ان السوق او المشتري للمزاين هو الفاصل وا لحكم في الزين من عدمه |
اقتباس:
لله يعطيك العافية يامحمد على الجواب الطيب ولايهنون الإخوان وكان هذا الجواب الأنسب للسوال متى يعتمد على نفسه ويجب عليه أن يتدرج ويكسب الخبره قبل أن يشتري أو يخوظ هذا المجال -------- اقتباس:
اقتباس:
والله يبض وجيهكم جميع من شارك ومن شاهد |
ماقصرو الاخوان اثرو الموضوع بالكلام المفيد |
ألاخ عناد كفى ووفى ما بعد عنا د عنا د </B></I> |
| الساعة الآن 56 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |