|
سؤال لهل البل ؟؟؟ عندما تريد ان تشتري ناقه وقيل لك انها لقحه وعندما عرضتها على الفحل تشول وتوزر وقمت بشرائها وفي الاخير تبين لك انها معشش وليست لقحه بعدما تكبدت الخساير !!!! والسؤال ليس هنا السؤال كيف تفرق بين اللقحه والمعشش عندما تعرضها على الفحل ؟؟؟؟؟؟؟؟ ارجو من الاخوه المشاركه لمن لديه الخبره او سابق معلوومه من الشيبان ولكم كل الشكر ,,,,, |
الله يعوضك ان شاء الله وسؤالك في محله وننتظر لمن لديه الخبره اللي عندي ان يكون حيا الناقه ضاف والفحل يدري ان كانها لقحه ولا لا |
السلام عليكم ورحمة الله وبركاته من خلال ما أراه في الناقة اللي فيها "عش" وهي ان "الضامنة" تمسك على انه عشار وهو ليس عشار وتختلف وهو يبين من عمر الناقة وشكلها اذا فحصها الفحل وبعد مده وماتغير عمر الناقة على انها لقحة فيها علّه إما عش او غيره من الصواديف اللي تصير للناقة اهااا ذكرت حاجة ثانية وهي طال عمرك تروح وتشوف سقف حيا الناقة اذا لقيته فيه حاجه كنها شعيرات صغار ملاحضة ترى مهيب صيد ؟ اصغر منها بواجد فالناقة معشر عشار صحيح واذا طال عمرك لقيت سقفها كنه بطن شوزل امللللللللللسسس فهذا طال عمرك لاهيب معشر ولا يحزنوووووووووون . حبيت افيدك باللي عندي والعيال مايقصرون. اخوك : مناحي ابن مشلهب السبيعي |
البل هي ام الصبر اصبر سنه والله يعينك انا والله مثلك صارت في كم ناقه عندي ولكن ما لنا الى الصبر الله يعوضنا خير من ها البل |
ارحب سؤال وجيه جدا جدا اما عن المعشش يبين لك حجاب الناقه وخويرماها انها معشش ولا معشر عشار صحيح حتى الحمة الناقه تبين لك ..!! وبالتوفيق اخوك |
أرحب يارجال بالنسبة للمعشر عشار صريح فهذي تعرفها من حياها لكن يبي لك خبرة في هذا الأمر المعشش أعرفها من حياها ووبرتها تقديري للجميع |
اذا الناقه لقحه لها فتره طويله فتبين من بدنتها ولحمتها واذا قال توها معشر فافضل اختبار هو الفحل حتى لو شالت يعرفها واذا زم عليها بركت لو انها تشول |
عبدالله السهلي مرحبن بك واحب انوه اني ما شريت ولله الحمد لكن فيه سوداني يبي يربقني بحايل ويقول انها معشر والدليل الي عنده انها تشول قدام الفحل ويقول اعرضها على اي فحل والي خلاني اتا كد وبر المطيه حالها رايح في وبرتها ملساء وتبرق تقول مغسلها بصابون وصفنها ما بعد ولدت وحياها ماهوب متلايم وضافن عمره والناقه طيبه طيبه وسعرها معقول ولو انها لقحه صحيح انا خابرن ماذا بسعرها وهو يحلف وهو صايم انه مضربها قبل شهرين فيه بعير هايج قبل شهرين؟؟؟ ودقيت على راعي البعير وقال مضربها قبل اربع شهور ولما تضاربت الاقوال انكفيت منها.....واستشكيت انها معشش والسوداني مستغل الوضع !!!! |
مناحي السبيعي لاهنت واشكرك على المرور واستفدنا منك وننتظر منك المزيد |
عبدالعزيز الفضلي نشكرك على المرور ومرحبن بك |
الاخ العزيز فهد بن صلبوخ تبقا يبو مرحبا ااا والله لا يهينك على المرور العطر واثني عليك الشكر وارجو منك التوضيح اكثر على ((((((((((((يبين لك حجاب الناقه وخويرماها انها معشش ولا معشر عشار صحيح ))))))))))) كيف يبين لك خويرمها ؟؟ ولك خالص الشكر والتقدير,,,,,,,,,,,,,,,,,,,,,,,,,,,,,,,,,,,, |
شجاع الاكلبي تبقااا واللله لا يهينك واشكرك على المرور |
محمد الفاضل اشكرك على المرور والله لا يهينك |
اخوي اذاصار البعير ماضرب واجد ويشبع من الاكل يهيج |
هلا بالاخ حمد اتمنى قراءة الموضوع مره اخرى لانك اتاخذت مسار اخر واشكرك على المرور |
| الساعة الآن 55 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |