|
# البارحـة كنـي مـن الجـن ملبوس # مـمـدوح الـبقـمـي 2 / 5 البارحـه كنـي مـن الجـن ملبـوس البارحـه كنـي مـن الجـن ملبـوس أصلـي السنـه وأكــب الفريـضـه يدكني من بيـن الاضـلاع هاجـوس أونست فـي قلبـي وراسـي ركيضـه والقلب من فوق المحاميس محمـوس ونـارن تصـرم بالضمايـر لضيضـه ادوج كني من خوا الـراس مضـروس وآعظم راسي مونسـن فيـه شيضـه مابين حلم وعلـم واصحـى بكابـوس والسيف يلمع فـوق راسـي لميضـه والله لو لاإني مـن النـاس محسـوس ماصحت مثل اللي عظامـه رضيضـه وغنيت مما بيـن الاضـلاع محبـوس ماعاد الـي صبـرن عليهـا وريضـه ونزلت لي جون من النـاس مانـوس والآدمـي يسعـى وربـي حفيـضـه ياموصل المكتوب بالك مـن الحـوس ولابـوك رجلـن علتـه ماتهيـضـه قالوا لنا جا هرج وأفـراح وعـروس وأبـاك تنصـى للرجـال العويـضـه واسلم وسلم لي على الشيخ طاحـوس راع الوفا واهـل الفعـول الحضيضـه قله تـرى علـم الخواطيـر مديـوس وكثر الدجاج البيض من كثـر بيضـه العلم من عاميـن متقـن ومـدروس لو جوك في علم وسوالـف غضيضـه عز الله إني منهـم العـام مجسـوس ومن شوفتي قلبـي تزايـد جضيضـه الجد يشـرى تالـي الهجـر بفلـوس والذيـب بالمرقـاب يـورح نجيضـه والتمر مايوكل ليـا صـار مهـروس وياعنك عايـض مايعـوض بعيضـه واليوم أشوف الراي مبهـم ومنكـوس والفلـم ماينفـع بـدون تحميـضـه صحيح من قال الزمن صار معكـوس وبعض العلوم أدخل على الله غميضـه أرسلـت للأجنـاب نشـاد وعسـوس وعيـال عمـك بالقصيـم العريضـه حنا هل الفيحا هـل العـرف والقـوس مانستـوي لهـل الوجيـه البغيـضـه المـوت خلينـا لـه رجـول وديـوس يـروح ويرضـع عدانـا مضيـضـه والباز ماياكر علـى رجـم وطعـوس ومايذبـحـه يـاكـود لازاد غيـضـه يحسني من فعـل الاجـواد حاسـوس والناس فيهـم يابـن عمـي رفيضـه وبعض الفياض بجالها عدود ورسوس وبالمملكـه تسعـه وتسعيـن فيضـه يابن صويان أصبح الحبـل ممسـوس ركب على الراس القوي فـي مقيضـه ماكـل ملبوسـن يناسـب لملـبـوس والسيل تعـرف قوتـه مـن مفيضـه والشيخ عيسى مـا يقـارن بقابـوس والحـر يعجبنـي بـشـدة لحيـضـه وروس العلوم السود تحلق على الموس حتـى تبـان الصاحيـة والمريـضـه لاترفـع الاذنـاب وتوطـي الــروس البـرق يلمـع بالمصقـل وميـضـه مادام شفت الذيـب يضلـع ومفـروس ذكـه وخـل القلـب ياقـف نبيـضـه ماينفعك عرقـن بـه الـدم محيـوس اقطـع عـروق العايبـه والعضيضـه والله مـا تلقـى ورى العبـد نامـوس يبغى النسب فيكـم ويبغـى الحفيضـه انهض وصح اللي من العام معمـوس والحـر حـر وبينـن مـن نهيـضـه |
لاهنت ياطلال على النقل المميز وصح اللسان ممدوح شاعر من فحول الشعار واسلم وسلم لي على الشيخ طاحـوس راع الوفا واهـل الفعـول الحضيضـه والشيخ طاحوس البقمي ابو بجاد والنعم فيه وعزالله انه راعي وفاء ولاقصور في الرجال الباقيه الي مثلكم وشرواكم |
لاهنت ياطلال على النقل المميز وصح اللسان شاعر الثقلين ممدوح المرزوقي والله يفك اسره |
صح لسان ابو عقاب شاعر الثقلين والله يرجعه لاهله سالم ولاهنت ياطلال على النقل المميز |
صح الله السانك والسانه والله لايهينك على هالقصيده الطيبه وتحياتي لكم |
صح لسان الشاعر ممدوح المرزوقي شاعر الثقلين الاول وكل قصائده روائع وتسلم علا النقل |
| الساعة الآن 49 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |