حدث غريب وعجيب مع بداية الوسم
 

السلام عليكم

ياشباب بصراحة صار عندي في الحلال حادثة غريبة وما قد مرت علي قبل وأنا جايبها لكم ابسأل هل الوضع هذا طبيعي والا غريب وهل هو شي يبشر بالخير والا لا ؟

عندي قعود مفرود وأنا بصراحة ناوي افحله وعمره تقريباً ما بعد تم 9 شهور وتفاجأت امس مع دخول الوسم انه قاعد يهدر ويزبد ويعضعض الابكار اللي معه ولمشاهدة ذلك ارجو تحميل المقطع في الرابط ادناه

http://up4.m5zn.com/download-2009-10...-27ajer0li.wmv

كما ارجو من الاخوان ابداء الرأي هو زين القعود ومستقبله يبشر بالخير والا لا ؟

وشكراً للجميع

والله المقطع ما عرفت اشغله
لكن من كلامك اشوف الوضع طبيعي يمكنها فسقة
والقعود ان كان ساسه طيب لا تتركه



واعذرني ان حصل قصور


اخوك

للاسف لم استطع تحميل المقطع

يا اخوان شكراً على الردود وبالنسبة للمقطع طريقة تشغيلة سهلة

اذا فتحت الرابط انتظر شوي بعدين انزل في آخر الصفحة وبتلقى ايقونه لونها اسود على اليسار مكتوب عليها download here اضغط عليها وبيتحمل المقطع

اما بالنسبه لحالة القعود فالوضع طبيعي جدا نظرن لأكرام القعود وطبع في سلالته
اما بالنسبه للمقطع ما اشتغل.
وتقبل مروري

انا شفت المقطع

وللامانة بغض النظر عن الحالة

لاتظم القعود فحل وبتلقى ابرك منه حق والا لقي بسعر معقول

وافضل لك من الحوار المعروض واختصار في الوقت

وبالنسبة لحالة القعود فطبيعية

انا حصل معي الموقف قبل شهرين

ومع بكره بالبدايه تطرد الأبل وانا في بالي انه لعب ولغايت ما بأدت تعضض الأبل

وعزلناها عن الأبل ..و بعد كم يوم بأدت تعضض الشبوك والبشر .. وطلع الي فيها

غلاث ( داء الكبله ) وعزلنها ألين ماتت وبالنسبه للقعود الأخوان ابدو رايهم

اخوي المقطع ما عرفت احمله
وحالة القعود طبيعبة لكن انتبه عليه لا يكون لا سمح الله فيه المرض المسمى بـ
( داء الكبلة )
تقبل مروري

الف شكر للجميع على التفاعل والردود

مرحبابك اخوي والقعود حالته طبيعيه و اكيد معلم المقارد والصغار يلعبون عليه ولا جاهم شردو عنه وخذها عاده

للامانة العقود حلو

وعسى ربي يرزقك منه كل خير

اما بالنسبه لحالة القعود فالوضع طبيعي جدا نظرن لأكرام القعود وطبع في سلالته
اما بالنسبه للمقطع ما اشتغل.
وتقبل مروري

المقطع ما اشتغل والوظع طبيعي وانا كان عندي حوار يهدر ولا فيه الا العافيه