ابل بعصاها ومعها حديد (الابل طيبه )
 

السلام عليكم ورحمة الله وبركاته ..

صبحكم الله بالخير جميع يوجد ابل بعصاها طيبة للرجال القناي ولا الي بيشتري ويبيع فيها وفرصة لا تعوض واليكم التفاصيل :
عدد الابل : 26 ستة وعشرين خابط بدقها وجلها.
عدد اللقاح : 7 سبع لقحات .
عدد العشاير: 3 ثلاث عشاير.
الدق : 3 مفاريد طيبة وعليها سوم مفرد مابين العشرين والثلاثين.
الباقي : جلايب ويرجا الاستفسار عنها في الرقم الذي سوف ادونه اسفل المشاركه.
الحديد :
1- وايت عايدي موديل 81 توه موضب مكينة 24 والجنط بطيخة والتانكي حاله زين.
2- ستيك واستفسر عنه من الرقم المدون.
3- كبرتين كبار وحده مجلس وفيها مشب مقاس 13x3,5 والاخرى مطبخ .

الموقع : المنطقة الشرقية (جوف بني هاجر).
وسيلة الاتصال : 0534448892 الاخ / عبدالله الهاجري.

البل طيبة وتنصفط وفيها ابل مفرد مسيومة على اربعين وخمسين والرجال بياع مفرد ولا جملة مع الحديد او الابل بلحالها اذا لقا الرجال الصامل باع وحاليا عندي صورة لاحد الجذاع الي منها والي له شف يسير ويشوف الابل وترا البل فتح بابها وعلمها عند راعيها .

اخوكم ذيب خادمكم وخادم الرجال المطاليق شروا من يقرا ماله علاقه لافي بيع ولا مشرا والي عنده اي استفسار يدق على الرقم المدون لاني لا املك سوا المعلومات الي فوق .

http://www.mzayan.com/vb/attachment....9&d=1256000241

وسلااااااااااااااااااااااااااااااااااااااااااااااا ااااااااااامتكمممممممممممممممممممممممممممممممممممم ممم

ارجو من الاخوة المشرفين تكبير الصورة ونشكر من تجمل

بيض الله وجهك

وعلى ماقال اخونا الزعبي مايرد الرجال

ياليت تجيب لنا علمها من ناحيه السوم الله لايهينك هل سيمت من قبل والا لا . ؟

ولاهنت

السلام عليكم ورحمة الله وبركاته ...
اخواني الاعزاء عبدالله الزعبي وطلال الحربي الرقم متاكد منه ورقمه لكن الرجال شفتات وخبركم بالشفت والدوام دوامه الاسبوع ذا اول ليل وصار عليه ضغط مكالمات من امس من اول ما اعلنت الاعلان لكن كرر الاتصال والله يقسمنا وياكم بالي فيه خير اما السومات وكم وصلت عند راعيها لو انه حلالي والله لخدمكم لكن مدري وش استجد عنده ؟؟
اشكر اخي مسعود العماري على تكبير الصورة والله يعينا وياهم على ما ينفع والسلام ختام .

ذيب بن علي
انا بعد دقيقت كم مره ؟؟؟؟!!


اذا ممكن وصف دقيق للابل في مراحها

يكون احسن

انا ان شاء الله جاي ها السبوع لشرقيه


جزاك الله خير يا ذيب ابن علي

مرحبا بك يابوعلي

وين مكان البل في جوف بني هاجر

لاني ادق والرجال مايرد

محلها يا طويل العمر قبلة من خور الذيابة وبتحصل لوايح واعلانات البيع بس اطلع من الهجرة قبلة وتحصلها

الاخ عبدالعزيز الفضلي الوصف يا طويل العمر ونت جاي من الرياض بعد 350 كيلو بتلقا لوحة قبل كبري مكتوب فيها (صلاصل , بقيق, خور تعيب, )يمين لف يمين قبل الكبري بينحني الخط وبيسند فوق الكبري لف يمين مرة ثانيه من فوق الكبري ووجهك جنوب بتمشيلك كيلو وتلقا لوحه ثانيه (صلاصل , خور تعيب , خور الذيابه,) يمين لف يمين وامش حوالي 15 كيلو تلقا لوحة خور الذيابه هجرة ادخل الهجرة واطلع منها ووجهك قبلة بتعين لوايح الاعلان وبتعين البل ووكرر الاتصال على الرجال على اساس تاخذ العلم الي يهمك وارجو اني افدتك والسلام ختام

السلام عليكم ..

الى الاخوة الكرام في حالة عدم الرد او وجود الجوال خارج التغطية ارجو الاتصال على هذا الرقم والله يرزق البايع والشاري : 0566628893