|
علاج ابو دبا مساكم الله بالخير بنشدكم يالربع عن مرض ابو دبا ( ابو دبيبه) هل له علاج مع العلم انه كان عندي خلفه جاها ابو دبا وبعتها على قصاب لي صديق من الجابر.....يقول انه قد جا ثلاث من ابله وعالجها بحبوب الدود في اول مرضها والحيـن بخير وثنتين منها لقحات على كلامه وان شاء الله انه صادق بغيت انشدكم اذا مريتو بالتجربه ..او جربو ماانتو خسرانين شي انا لو ادري جربت ابرك من بيعتها على سوداني يغش المسلمين |
اللي عندي من المعلومات ان اللي فيها مرض ابو دبه تلقح وتلد عادي من جيز الحلال بس تنقد على حالها شوي ولاتداني الدرهام اذا هجت مع البل او درهمت ماتت والله يتم شفى ناقتك |
المسميات كثيرة لهذا المرض ومشهور عندنا بأبو جريجير واللي اعرفه ماله علاج نهائي مجرد يعطى ابر الهيام كل فترة وهي عبارة عن مسكن وهذا المرض قاتل ومعدي لذلك لازم تعزل الناقة وتعطيها ابر الهيام ان كانها غالية او لقحه والا بعها وافتك من علاجها وعدواها |
السلام عليكم ورحمة الله وبركاته اخي العزيز ارجو منك ومن الأخوان ذكر اعراض المرض بالتفصيل حيث انه يوجد لدي ناقه لاتحب المشي ولاتركض مع البل إذا ركضت مع العلم انها كانت طيبه ولاكن ما ادري ايش فيها وسألت ولا عرفت نوع العله ارجو منكم الإفاده ولكم جزيل الشكر |
نرجو من الاخوة شرح حالة الناقة بتفصيل حتا نعرف المرض بضبط \\\\ الى انعرفة ان ابو دبة ما لة علاج وهو مرض قاتل و ماضن علاجة بهسهولة احبوب دود اللة يكفينا ويكفيكم شر هالمراض |
اعراض الناقه اللي جاها المرض كالتالي كانت خلفه مالها شهر من ولأدها قل حليبها الى ان صار مافيها حليب وانتفخ بطنها ولاهيب تأكل ولاتحب المشي واجد وتعزل نفسها من الآبل |
اللي اعرفه ان ابو دبه ماله علاج نهائي ولا يعدي وانت يا راعي الشكوى شف خلفتك .. افطم حوارها منها ولاحظ هل يخف المرض !! لان اكثر المطايا المصابه بالمرض يشتد معها اذا رضع حوارها منها .. ويبين في بدنتها وتعاف الاكل |
حليب ناقة الهيام وابو جريجير قليل ولا ينفع الحوار |
السلام عليكم ورحمة الله وبركاته انا العام جاء ناقه عندي وعالجتها بابرة الهيام الهنديه وحبوب الدود المركزه وسلمت منه ولقحت الناقه عقب شفائها وولدت قبل عشرين يوم وبعد الولاده عاودها ولا زلت اعالجها الا الان عسى الله يشفيها ويشفي حلال المسلمين جميع هذا ماحصل معي شخصيا والسلام عليكم |
السلام عليكم ورحمة الله وبركاته من خلال الي أسمعه عن مرض بو دبة أن سببه دود البطن والامعاء حيث أن الدود يعمل فتحات صغيرة في أمعاء ومعدة المطية وينتج عن ذلك خروج الروث من الامعاء والمعدة الى السرة مما يسبب بدنة المطية وفي هذه المرحلة يمكن تدارك الموقف وعلاج المطية بحبوب الدود أما المرحلة الثانية وهي الخطيرة الا وهي خروج الدود من المعدة وعمل فتحات في السرة مما يسبب خروج الروث الى ما بين السرة والجلد الخارجي لبطن الناقة وحينها تظهر أورام متفرقة في بطن الناقة وتموت المطية إذا درهمت أوخبت وذلك لتمزق السرة والامعاء والمعدة العلاج هو حبوب الدود الوردية أو مزج مقدار( صبة قهوة ) من السم بو ستين مع 500 مل من البنزين وسعطه للناقه والله أعلم |
| الساعة الآن 23 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |