الطير والسلاق وخبر جديد
 

يالربع قابلتلي رجال وقمنا نسولف عن امراض البل وذكر لي حاجات اول مرة اسمعها وقال علاج الطير تجيب اكرمكم الله مخلفات طيور وتحلها في ماء ولاذابت تشخلها وتصبها في خشم الحيوان الايسر.........اما السلاق ينفع معه الماء البارد المايل للصقيع صباحا لمدة 7ايام شربا للجذعة ودون..وشر ايكم بكلامه واموضوع مطروح للنقاش

كل شي جايز
والتجربه خير برهان(اذا كان مجرب)والله سبحانه وتعالى قادر على كل شي

السلام عليكم ان كان القصد بالسلاق الاسهال فالماء البارد علاج له شئ جربته انا من سنين طبعا للحيران اما الطير اعرف انه بالكي لكن ما اعرف الطريقه اما عن مخلفات الطيور الله واعلم تقبل مروري

اشكركم عل مروركم ونقول فوق كل ذي علم عليم ودنا نسمع راي الاخ عيد

بنسبه لطير شايب من الجماعة يقول لعلاج الطير حليب سعن (شوب) حامض يحقن في منخر الناقة الايسر
لمدة 3ايام ون شاءالله تقوم تلحق امهاتها

يارياجيل علاج الطير وهو اول مايجيها الطير والا اذا ابطت صعب ادواها والعلاج هو تشريم خشمها بموس من داخل وتصب في خشمها ما الفناجيل وتشق ذروة السنام بالموس لين يضهر الدم وتشق الذيل من تحت من داخل اناجربتها في ناقتين وحده سلمت والثانيه تفداكم واما السلاق واللي هو الاسهال وضهور نفخ بسيط قدام ذكرالقعود او ديد البكره هذا ماله علاج ويعدي والله الشافي وسلامتكم