|
الثوم وفوائده للامراض الباطنيه والدم!! السلام عليكم ورحمة الله اخواني الكل يعلم فوائد الثوم وانا لي تجربه خاصه وسبق وطرحت الموضوع للاخوان بالمنتدى لناقه عندي صار لها بعض الاورام في جسم الناقه السر النحر الديد والكل ابدى رائيه عن الموضوع اللي قال هيام واللي قال مرحله اولى من الهيام واللي قال التهابات الخ.. تجربتي هي. ابرة هيام الهنديه مع العلم ان الفرنسيه اطيب فصوص ثوم بمقدار اربع فصوص كل يوم بمدة ثلاث ايام اختفت الاورام بشكل سريع والبعض يقول انه من ابرة الهيام موب الثوم فاانا متاكد ان الثوم اللي اعطيته الناقه كان سبب بشفاء 60% فانا اشوف فصوص الثوم تغنى بمقدار مناسب عن حبوب الدود اي مرض باطني للحيوان فاالثوم من اهم مضادته فوائد الثوم كثيره منها يستعمل لعلاج الاسهال من خلال تأثيره المطهر للجهاز الهضمي. والثوم يستخدم كمطهر للأمعاء ويوقف الاسهال الميكروبي. فقد ثبت حديثاً أن زيت الثوم وعصارته لها تأثير قاتل في كثير من الجراثيم التي تصيب الأمعاء وتسبب الاسهال، وتبين منذ القدم احتواء الثوم على خصائص مطهرة واتمنى من الاخوان المزيد من المشاركات بيحث تعم الفائده على الجميع اخوكم/ محمد الوهبي التميمي |
الله لايهينك يا اخوي:محمد الوهبي التميمي على المعلومه الطيبه والله يبيض وجهك ووووتقبل مروري |
كلامك سليم اخوي محمد ونا شحصين مجربه وعطيه حتا البل السليمه اجيب كرتون وخلي العمال يقطعونه صغار وحطه مع الشعير كل اسبوعين مره فترت القيض |
صحيح الكلام والثوم مطهر فعال لجسم الانسان والحيوان وامراض الابل الباطنيه الهيام وغيره من الامراض الباطنيه لثوم دور فعال اشكرك يالتميمي |
وانا كان عندي مفروده وطلع لها نواجم وعطيتها الثوم في لقام والحمدالله راحت النواجم |
وعليكم السلام ورحمة الله وبركاته ارررررررررحب ارررررررحب بيض الله وجهك على المعلومات الطيبه ولاهنت |
| الساعة الآن 12 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |