السلام عليكم ورحمة الله وبركاته

مساكم الله بالخير وصبحكم الله بالرضا و السرور

العلم سلامتكم يالربع اليوم نزلت السوق و شريت لي حوار يقال انه ولد الكايد لبــن جخدب القحطاني

و الحوار توه ماله الا اسبوع من جابته امه ... انا في انظري ان الحوار زين وراح انزله له صور ان شاء الله

استفساري يازملانا .... (( هل حليب المعزا يضر الحوار بشي ولا يكسره ما يربئ زين ))

لاني ما بعد عطيت حواراً عندنا من حليب المعزا ...

وانا ما عندي حالياً خلفه عشان اسقيه من حليبها .. ووش تنصحوني فيه بالي تنظرونه صالح لي ..

بيض الله وجيهكم على كل حال والله لا يهينكم ..

حياك الله اخوي محمد و بيض الله وجهك على المرور والنصيحه

والله دورت في السوق عن خلفات ولا مميت ولا لقيت الا اسعار عاليه الله يزينها ويعدل كل ميل

لا هنت على مرورك يالذيب

البقى يا مرحب حياك الله اخوي الحميدي

مايامر عليك عدو جعل عمرك طوويل ماقصرت و جزاك الله خيرر

بيض الله وجهك أبو فاضل على فزعتك ولاهيب غريبه عليكم ياصبيان السهول

الله لايهينك على كل حال و الحوار (( ماات )) الله يعوض علينا وعلى كل مسلم بأطيب

الله لايهينك على المرور يالذيب