|
ما هي أفضل طريقة للعناية بابل المزاين ؟؟؟؟ السلام عليكم ورحمة الله وبركاته ........ أحبابنا في المنتدى اسعد الله صباحكم ومسائكم وأيامكم بكل خير .. اشتريت أبكار مفرود وحقه ولقيه من بدو في البر ودعواتكم لي بالبركة . الأبكار عليهن ضعف شديد ، ووحشيات يجفلن من التجمعات . الأبكار من نوع الضغط العالي عالي الله يربح . والنية إن شاء الله الدخول في أشواط الفردي في ألظفره والبيع هناك . بس السؤال :ـ ما هي أفضل طريقه للعناية بهن خلال الثلاثة أشهر القادمة من ناحية التغذية ، والتغسيل ، والشعر ، والتلحيف (الجله) المطلوب :ـ والفائدة للجميع ؟؟؟؟؟؟ من اهل المعرفة والخبرة والتجربة . الرجاء إبداء كل واحد راية وتجربته . الله لا يهينكم والله يبيض وجيهكم ويحرمها عن النار . تقبلوا تحيات |
مرحبا اخوي عبد العزيز الله يبارك فيهن وفوزن في المزاين وباعن بدراهم الواجد اما المفروده دورلها خفوت ايكون لبنها واجد والبكار الثانيه دورلها حيران حتا تضيرها وحط عليهن اجله علشان اتصفي اوبرتهن والبرسيم خله ناغع وتشوفهن انشاء الله اسمان وزيان والله يوفقك |
آلله يوفقنا وإياك يالفضلي ..ويرزقك وكل مسلم بوااسع فضله |
الله يوفقك ويبارك لك ان شاء الله اول شي عليك بالبرسيم الاخضر الثاني كل اسبوع تغسل البل بالشامبو الاحمر ثالث شي عليك بالمكعب الوافي رابع شي الجلال بالنسبه للاعلاف لا تخلي الاحواض فاضيه ابد وانت تبي البل شبك ولا تبيها هجيج ولا تبيها عرض على لجنه يومك تبي افضل طريقة تعليف لانها ان كانت سمان بتزين البل على قول ةسالفة قديمه يقولون ان فيه اعمى يمشي مع رفيق له شاف رفيقه ابل قال يازين البل زينااه قال الاعمى ياسمنها سمناااه ومرو على ذود ثانيه قال رفيقه ياشين البل شيناااه قال ياضعفها ضعفاه قال انت وش دراك انها ضعاف وانت اعمى قال البل لا سمنت زانت لو انها من اطرف الحلال والله عليه التوفيق |
~.~ ماقصرت على الموضوع الجميل لاهنت ~.~ |
آلله يوفقنا وإياك يالفضلي ..ويرزقك وكل مسلم بوااسع فضله |
اولان ذا البكره مفروده دور لها لها ناقه لبنها واجد وذا حقه او لقيه فدور لها حواره ودخله معها في الشبك خله ترومه واره عليها بطعم والسبوح وجلالها والله يوفقك |
مبروك ونسأل الله الكريم ان يرزقك منها ما يسرك اولا) العنايه الصحيه : يجب ان تنظفها من الداخل صحيا قبل البداء في برنامج التعليف اي ان تقوم: - باعطائها الايفومك تحت الجلد وعليك بالسوبر والجرعه مكتوبه على العبوه وتكرر الجرعه بعد 14 يوم - اعطائها شراب الدود هبدكس او كوروزول الجرعه تكون مكتوبه على العبوة وتكرر بعد 14 يوم - رشها بالجاره لازالة جميع مابها من قردان وخمال وقمل ويفضل الغسل بالماء والصابون ومن ثم رش الجاره - اعطائها مجموعة فيتامينات بودره في الماء وهو موجود بالصيدليات البيطريه على شكل سطل به 5 كجم والجرعه مكتوبه على العبوه - اعطائها مسحوق الكالسيوم مع الفسفور (كالفوس) موجود ايضا في الصيدليات ويضاف للماء والجرعه مكتوبه على العبوه ثانيا) التغذيه: - يجب ان تكون التغذيه في وقتها المحدد واقصد بذلك انه تكون هناك ثلاث او اربع وجبات وليس الاكل موجود 24 ساعه لرفع نسبة الاستفادة منه - عليك بالتنويع كأن يكون هناك شعير وبرسيم ورودس وقليل من المكعب لان المكعب يبني الشحوم بين اللحم مما يؤدي الى اكتناز الناقه بالشحوم ويذهب رونقها وجمالها - ان كان لديك القدرة على التكاليف فعليك بالذره الرفيعه (البيضاء) او السودانيه فهي من اسرع انواع الحبوب هضم ومصدر عالي للطاقه (الشحوم) والبدو كانوا يسمونه قديما ابو طخه ثالثا) تطبيع البكار: ان البهائم جميعها بدون استثناء عامل الجذب فيها هو الطعام وعليك باعطائها الخبز الناشف باليد بشكل مستمر او اللقام (طحين مع شوار) وسترى ذلك بعد يومين الى ثلاثة ايام فبمجرد ما تخرج يدك من الكيس او من جيبك تتبعك فهو اسرع وافضل وسيلة لتدهيل وتطويع البكار ولا تنسى المقارد والتحكيك اما التجليل والتحليق وغيره فلا اعرف عنه شيء والاخوان ممكن يفيدونك نسأل الله لنا ولك الرزق الحلال والتوفيق انه سميع مجيب الدعوات وتقبلوا تحياتي |
اقتباس:
اما عن التغسيل والجلال عليك بشامبو الخيل فهو ممتاز جدا وكل اسبوعين تسبحها وبعد التسبيح تغسلها بماء معه جاره بدون شامبو لان الشامبو يجيب القمله .. واما عن الجلال لاتجلل المطيه وهي فيها ماء .. ولابد ماتجللها يوم وتنزله يوم وهكذا لان الجلال اذا طول على الناقه يذبح شعرتها ويضعفها وسلامتك |
موضوع في غاية الاهمية اشكرك يا عبدالعزيز الفضلي على اطراء مثل هذا الموضوع المفيد كما اشكر الاخوان الذين ردو على الموضوع هذه من فوائد الموقع الجميل ،،،، على قول ةسالفة قديمه يقولون ان فيه اعمى يمشي مع رفيق له شاف رفيقه ابل قال يازين البل زينااه قال الاعمى ياسمنها سمناااه ومرو على ذود ثانيه قال رفيقه ياشين البل شيناااه قال ياضعفها ضعفاه قال انت وش دراك انها ضعاف وانت اعمى قال البل لا سمنت زانت لو انها من اطرف الحلال والله عليه التوفيق عزا الله انه صدق ها العميان |
الاخ العزيز / راشد المخضوبي المحترم الاخ العزيز / فيصل الشلاحي المحترم الاخ العزيز / سالم محمد الدوسري المحترم الاخ العزيز / خالد النفيعي المحترم الاخ العزيز / سطام الحبلاني المحترم الاخ العزيز / سعيد المري المحترم الاخ العزيز / عبدالرحمن بن عبدالعزيز الحترم الاخ العزيز / فهد بن صلبوخ المحترم الاخ العزيز / سعود سعد القحطاني المحترم اشكركم جزيل الشكر و العرفان على ردودكم الجميله المفيده بيض الله وجيهكم والله يعافيكم عزا الله ان كلامكم ونصائحكم في محلها الله لا يهينكم .. الله معك ياللي بك الطيب مطبوع00000000ياللي ملكني في فعول جميله والله معك مابانت الشمس بطلوع00000000يالصاحب اللي مانبدل بديله والله معك ماناض براق بسطوع000000 00والله معك عد الرياح العليله تقبلوا تحيات اخوكم / عبدالعزيز الفضلي |
| الساعة الآن 16 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |