ألا يالله إنك تسقي الـدار عقـب محـال
 

السلام عليكم
اخليكم مع القصيدة تعبر عن نفسها

ألا يالله إنك تسقي الـدار عقـب محـال
وتروي كبودن ضاميـه عقـب الامحالـي
عسى البارق اللي كن سحبه اخشوم اجبال
يعـم الجزيـرة كلهـا سهـل واجبالـي
تزبر من المنشأ يجي لـه هـدب واظـلال
تسوقه ريـاح الغـرب بأمـر الله الوالـي
يشوق إليا شفتـه اخيالـن وراه اخيـال
تضاحـك مقاديمـه ويبكـن الأذيـالـي
يهطل المطر يومين ومعهـا ثـلاث ليـال
وباقي الشهر مـا بيـن غشنـه وهمالـي
يجي ماطره بالوسم بآخـر شهـر شـوال
يجـي لـه ربيـع ينذكـر دوم بالبالـي
تناقل تباشيـره علـى الهاتـف الجـوال
وكلن يعد السيل وش سـال مـا سالـي
تطارى خباريها من الجـال حـد الجـال
عليهم مسالـم ترفـع الصـوت وتلالـي
تشابك نبات الأرض بالوصف كسلسـال
على عنق عذرى لا مشت تذهل اذهالـي
تعانـق نواويـره علـى غصنـه الميـال
مثل ما يعانـق غالـي اليـا لقـى غالـي



منقولة

~.~ صح لسان الشاعر ~.~

~.~ اللهم اغث البلاد والعباد عاجل غير اجل ... امين ~.~
~.~ اللهم اغث البلاد والعباد عاجل غير اجل ... امين ~.~
~.~ اللهم اغث البلاد والعباد عاجل غير اجل ... امين ~.~

~.~ بيض الله وجهك يا يوسف ~.~

صح الله السانك

والله كريم

صح لسان الشاعر

اللهم اغثنا ورحمنا برحمتك الواسعه

لاهنت وبيض الله وجهك يا يوسف

صح الله السانك

والله كريم