يأخوان وش الحل تكفون حفظكم الله
 

السلام عليكم ورحمة الله

اخواني عندي مشكلتين

1- ناقه فاطر صحتها طيبه لها من سنتين والجمال تلقح ولافائده وكل يومين اشاهد الجمل يضربها ولا فائده واساس المشكله ان الطبيب البيطري واحد بالمنطقه فقط وليس بذاك الخبره واخوكم مبتدئ
واصحاب الخبره نادرين فهل من طريقه اخرى

2- بكره سنها فوق اللقيه ولا ارى الجمال تقترب منها ابدا حاولنا تبريكها وكأن الجمل لايشاهدها علما انني اراها تقرب من الفحل وحينما يطرح احدى النياق فانها ترغي بجانبه دون ان ينظر اليها مامعنى ذلك

حفظكم الله جميع

وعليكم السلام ورحمة الله وبركاته

1ـاما عن الفاطر هل قطعت الصيد عنها ؟وان كنت مقطعه اجل ناقتك معشش ولابد تجيبلها بيطري ينظفها

او تدورلك من اهل الابل الي يبخصونها ويعرفونها والله يعاونك ولالك غير هاالثنتين


2ـاما عن بكرتك فهي مجسر وتطلب البعير ولاتنوخها للبعير الا وهي جذعه وتكون متاكد من سنها

وان كانت جذعه ولاضربها بعيرك دورلك بعير غيره ولا اربط بعيرك اسبوع ولا حوله وادخلها عليه فالليل ويبي

ايضربها ان كتب الله


وسلامتك

وهذا رايي ويفيدونك اهل البل

بالنسبه للفاطر أتفق مع أخوي نادر العتيبي
والبكره يمكن بعيرك حاقرها لصغر سنها
ان كانك عجل عليها فحط عليها جنايب وأربط البعير اسبوع عن الضراب

معا اخوي نادر

وفقكم الله جميع
اشكركم على التعاون وليس بغريب على الرائعين فى هذا المنتدى

الله يعطيكم العاااافيه على المعلومااااااااااااات المفيده