قصيده أعجبتني وحبيت اشاركم فيها
 

السلام عليكم ورحمة الله وبركاته

قصيدة اعجبتني ولا اعرف من قائلها
يقال انها للشاعر : راجح العجمي





يقولون مـا للعبـد بـدّ(ن) عـن المقسـوم
وانا اقول صـح ويقنـع العبـد مقسومـه


عسا الله يعين اللي توافـد عليـه همـوم
همومن تخلـي طبلـت الـراس منجومـه


ترى والله انـه مـا يكـدر عليـك النـوم
سواء كلمتن من بعض الاصحاب مسمومه


الا جت من الغالين ولا الرخـوم ارخـوم
ولا أمحق من الغالي ليـا شانـت علومـه


اضعاف الروابع تبتلش والقـروم اتشـوم
ولاهي بلا شامـت مـن الشيـن مليومـه


ولا أزين من القاع الخلا والوجيه اسلـوم
ولا رفقـت مـع طـول الايـام ملغومـه


ولا ألذ من عشرة شريفن من اقصى القوم
يبادلـك فعـل الطيـب معنـاه واسلومـه


ولا شفت في جو الصداقه غبش واغيـوم
عطيت الدروب اللي مع الارض مرسومه


ولا مثل عز النفس لو ما معـك مطعـوم
وعن اهل الشماته خل الاسـرار مكتومـه


معي لو سمحت اشوي عقبن عداك اللـوم
ابا اعطيك عن بعض الرياجيـل معلومـه


ترى اللاش لو وقف معك في حياتـه يـوم
اتشوف الردى متبيـن(ن) فيـه مـن يومـه



وانا اقول لون في وجيه الرخـوم اوسـوم
عرفنـا انميـز قيمـت النـذل بوسومـه


على شان نجلس مع ارجال الوفا وانقـوم
ونبعد من اللـي عنـد الاجـواد مذمومـه


وأنا اسمع مع اهل التجربه في الحياة اعلوم
بعضها صحيح وبعض الاخبـار موهومـه


يقولون وكـر الحـر مـا يعتليـه البـوم
وانا شوف عيني وكر حر(ن) تحـت بومـه

صح الله لسانك ياراشد على القصيده الجزله

وصح الله لسان قايلها وعزالله انها تستحق النشر

~.~ صح الله لسانك ياراشد على القصيده الجزله ~.~

~.~ وصح الله لسان قايلها تسلم يمناك لاعدمناك ~.~

لاهنت على القصيده الجزله

يا مرحباااا يا زاهر

بيض الله وجهك على المرور وصح الله السان شاعرها




مرحبا يبو فهد

شاكر لك المرور والله لا يهينك ..

مرحبا يا راشد

الله لا يهينك على المرور




ووجهك أبيض يا حمود

يا مرحبا بك وأشكرك على المرور والاطلاع

لاهنت