|
عسافها ضارن على الهجن عساف 000 السلام عليكم ورحمة الله وبركاته قصيدة للشاعر / برجس بن دعسان رحمه الله وهي في نهار ابو صفره الرخيمي الذي اشتهر بالكرم الشديد في وقته فرحمهم الله جميعا رحمة واسعه 000 أبي اتمثل وابتصر وابدع القاف = وأبي اتمثل وابتصر في جوابي ياراكبن من عندنا فوق موجاف = حمرن معلق وركها تقل بابي مردوعتن مردوستن مالها اوصاف = عريضة الخدة كبيرة علابي كنه يخطفها مع القاع خطاف = الى حال من دون الموارد سرابي وركابها عند المعازيب ما ضاف = ولأعلق القربه ولأمن زهابي وعسافها ضارن على الهجن عساف = ولأهاز خطوتها جميع الركابي تشدي لربيعين الى ضعف الاطراف = وتاطأ على خفن سوات الربابي تظهر على عدن يجي ورده ازراف = بالعون ورده ما هتني بالشرابي تلفي على بيتن كبيرن له رفاف = متبينن بالنزل ما هو بغابي ومجالسن زينات ودلالن انضاف = ونجرن ينادي للنشاما الغيابي نهار حام اللي بقلبه تزناف = نهار حام اللي بقلبه رعابي يأمر على ضين الشواري بالاتلاف = يشبع قطين الجو حتى الكلابي ولا يذبح الا الفرق ما هي بالاضعاف = ولا يذبح الا من كبار العلابي ويا لأبتي ما بيعهم بسبعة اسلاف = وان كان ذهبوا لابتي واذهابي ويا ديرتي يا دار زينات الاشعاف = تنبت من النوار مثل الحصابي ويا ديرتي تدفي عن البرد بلحاف = الى من غشى بيض النجوم السحابي ويا ديرتي ما بيعها بمال رواف = اللي بنيراته يضيع الحسابي ارجو من الاخوه المشرفين تنسيق القصيدة وشكرا |
.. صح لسان قايلها وتسلم يمناك على النقل .. |
لاهنت وبيض الله وجهك |
صح لسان قايلها وتسلم يمين ناقلها |
اقتباس:
ويمناك اخوي خالد لاهنت على المشاركة 00 |
اقتباس:
ولانت اخوي راشد وجهك ابيض لاهنت على المشاركة |
اقتباس:
سلمك الله اخوي عبدالله وشكرا على المشاركة |
صــح لسـآآآآآنـ شآعـرهـــــــــــــــآ ... وسلمــت يميـن نآقلهـــــــــآ ... قصيــــــــــــده أصيلـــــــــــــه ... وجـزلـــــــــــــه ... لآهنـــــــــــــت ياابـن موســــــــــــم |
| الساعة الآن 42 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |