البعير يعض يده عض قوي
 

مرحبا بالجميع يا الربع عندي بعير سنه جذع
البعير يبرك ويعض يده وسببت له جروح وتورم وانتفاخ أحد قد مرت عليه هذه الحاله
أفديوني يالربع جعل والديكم والمسلمين الجنة

كان عندنا قعود مثله ولا لقينا له حل وبعناه يوم خفنا على القعدان لا تعلم منه. ياليت اللي عنده خبره يفيد الكل

السلام عليكم البعير حكر من الشبك حاول انك تفكه مع الابل والله يوفقك

مرحبا ياحسن وهذا من ربط البعير مدة طويلة وكثير منها يصير طبع اطلقه كل عصر وحاول تحطه في شبك طلق من غير قيد واذا جاءالليل تربطه بالقيد وترصغه واذا جاء الصبح تحطه في الشبك طلق وهكذا حتى يتعود على الرباط .

أشارك الاخ محمد الراي وزياده بلمه وادهن يدينه بزيت محرووق لاشمه هون عن التقريط

السلام عليكم

مسيك بالخير ياحسن الوضع عادى وانا خوك

مثل مافدوك الشباب انا كان عندى زى هالحالة ابد البعير يربط ويشوف امهاته اطلق البعير

خل البعير مع امهاته فترة حاول انك متخليه فى المراح وامهاته تسرح ويصير زى الفل

مرحبا ومسهلا

جعل والديك الجنة أخي راشد

[QUOTE=محمدالرمزاني;250386]السلام عليكم البعير حكر من الشبك حاول انك تفكه مع الابل والله يوفقك[/QUOTE
جعل والديك الجنة أخي محمد
وبالفعل قيل لنا هذا الكلام وتم فكه مع الابل
ولكن لم يفيد الوضع

جعل والديك الجنة يابو عدوة لا خلا ولا عدم منك

جعل والديك الجنة اخي أحمد لكن من آثار العض سببت جرح
للبعير في يده وتورمت وإذا حطينا زيت محروق هل يؤثر على البعير

جعل والديك الجنة يابو سعود
قالوا لنا بعض الاخوان إن السبب من الحكر
وفكيناه مع الابل ويسرح معها
لكن للأسف مازالت الحالة معه

يالربع انا عندي قعود يعضض يده بشده بعد وحطيت زيت محروق وفكيته من مربطه مع الابل ولا فاد الظاهر انه هذا طبع فيه من ساسه وساس ابوه

يالربع هذا من الرباط والحكرة كما اسلفتوا جميعا ويتحول مع الوقت الى عادة مثل المزاول

وحله الاحسن انك تحط للبعير بلام وتضيقه عليه بحيث انه يمكنه من الاكل والشرب ويمنعه من العض

وقد جربت ذلك مع قعود عندي وتركت البلام فيه لمدة سنة كاملة وبعدها لم يعد لهذه العادة

جعل والديك الجنة يامبارك
ولاهنت على الفكرة الرائعة

غالبا هذه الحالة من من سن لقي وجذع

بالذات اذا يوجد مع الابل فحل غيره

و لكل بعير تعبير عن سخطة وتعكر مزاجة

ومنها عض نفسة والبروك على اي شي حولة وعض الحيران وهذا طبع اذا تعكر مزاجة

اذا الابل سرحت وهو جلس بالعزبة مربوط


والبعير الافضل اما تهده مع الابل

واذا حولك بعارين وخايف علية

خذه معك للمسراح واربطة وسط الابل عند الرحول

وان شاء الله يركد وسط الابل