|
تطبيع البل السلام عليكم ورحمة الله وبركاته اخواني كيفية تطبيع البل على الرحول نسمع ان هناك رعيان يعملون لتطبيع البل وانهم يقومون بتجفيل البل في الليل وشب نار والمسرى بالبل في الليل في منطقه غير مستوية وما شابه ذلك.وهل هذا صحيح .خاصة اذا البل كلها شرايا. ارجوا من لديه معلومات او تجارب شخصية ان يفيدنا للفائدة العامة. تقبلوا تحياتي |
تحيه الاخ عبدالله العتيبي السلام عليكم ورحمة الله وبركاته عملية تطبيع الابل على الرحول سهله وصعبه في وقت واحد وتعتمد على راعي الابل اذا كان راعي ابل جيد ما تاخذ معه اسبوع وعليك بالرعيان العراقيين من قبيلة الرفيع اول ما تبدا اشتر خياش خبز ويحطها الراعي في الخرج ويبدأ يصوت على الابل واذا جاته وحده يعطيها من الخبز وبعد فتره يصوت اذا جاته الابل يحذف الخبز علاها كلها ثلاثة ايام وشف النتيجه وانا اقولك من واقع تجربه لان الخبز يسحرها سحر ولا بد ان تخالف مسير الابل يعني اذا الراعي شاف الابل وجيها شمال يعكس مسيرها ويمشي بالرحول جنوب ويبدا بالتصويت على الابل ويحذف لها الخبز وكل ساعه يعكس مسيرها وبعد اسبوع بعد ما توالف الابل بعضها وتعرف الرحول تبدا بتجفيل الابل يعني اذا صارت الساعه 12 تجيها ومعك تنك وتضرب علاها التنك حتى تجفل ويركب الراعي رحوله ويصوت لها ويسحبها خمسه كيلو وهكذا كل اسبوع يجفلها وان شاء الله تشوف النتايج الطيبه وانا كما قلتلك تعتمد على خبرة الراعي . وفيه امر مهم اذا بديت بتطبيع الابل لا تسوقها على الرحول بالسيارات وهو خطا يقع فيه كثير من الناس يجب التنبه له حتي لا تعود على انها ما تمشي لين تجيها سياره هذا باختصار اخي الفاضل واذا تعديت هاذي المرحله في مراحل تليها تحياتي عبدالله بن مطلق المزحمي |
الاخ/ عبدالله المزحمي اولا / ماقصرت على المعلومات والله لايهينك ثانيا/ طريقة الخبز انا اتبعها وابلي ماتعدى مقهورها والبل راكده ونا ماجربت تجفيل البل بس خايف اني اجفلها ويجيها خراش وهل الساعه 12 الظهر ولا في الليل. واذا كان فيه مراحل اخرى افدنا تقبل تحياتي |
تحيه الاخ عبدالله العتيبي الله لا يشينك اما وقت تجفيل الابل اكيد الساعه 12 في الليل ارجو ان تكلمني عن طريق المسنجر تحياتي المزحمي |
مشكور اخي عبدالله المزحمي معلومات قيمة جدا |
تحيه الاخ عبدالله الشمري نسأل ان ينفعنا واياك تحياتي المزحمي |
اشكرك اخوي عبدالله على هذا السوال الوجيه وكل الاحترام لخونا عبدالله المزحمي على هذه الاجابه المقنعه بيض الله وجيهكم اخوكم |
ا لاخ /عبدالله الشمري مرحبابك ويستاهل ابو مطلق الشكر ماهوب يقصر |
ارحب يابن صلبوخ مرورك يسعدنا ويشجعنا على التواصل لاهنت على المرور |
«®°·.¸.•°°·.¸¸.•°°·.¸.•°®»السـ ـــــ ـلام عليكـ ـــــ ـم ورحمـ ـــــ ـة اللـ ــــــ ـه وبركـ ـــــ ـاتـ ـــــ ـه«®°·.¸.•°°·.¸¸.•°°·.¸.•°®» مـ ـــ ـرحـ ــــ ـبا بـ ـــــ ـك اخـ ـــ ـوي عبـ ـــ ـداللـ ـــ ـه شكـ ـــ ـرا علـ ـــ ـى الموضـ ـــــ ــوع الطيـ ـــــ ـب ومـ ـــ ـاقصـ ــــ ـر المزحمـ ـــ ـي علـ ــــ ـى كـ ــــ ـل حـ ــــ ـل ووجـ ـــــــ ـه ابيـ ـــــ ـض دوم ودمتـ ـــ ـتم سالمـ ـــ ـين @@@@@@ @@@@@ @@@@ @@@ @@ @ |
ارحب يالعامري لاهنت على التواصل الدائم تقبل تحياتي |
تحيه الاخ عبدالله العتيبي السلام عليكم ورحمة الله وبركاته المرحله الثانيه تعليم الابل على اللبيد لان الراعي لايستطيع التصويت على الابل طول اليوم ويبدا بتعليم الابل بالتصويت على الابل ويقوم بضرب اللبيد ثلاث ضربات فقط اما ثلاث ضربات لانها من العرف عند اهل الابل ثلاث فقط وبعد مده ما عاد يحتاج الراعي انع يصوت من تسمع الابل صوت اللبيد قامت تلافت تحياتي عبدالله بن مطلق المزحمي |
اخي مطلق يعطيك العافيه وبيض الله وجهك معلومات طيبه استفدنا منها الكثير كل الشكر لك تقبل فائق تحيتي |
وعليكم السلام ورحمة الله وبركاته الاخ / عبدالله المزحمي الله لا يحرمك الاجر على ماتقدمه من نصائح ومعلومات نستفيد منها ام الصوت متعوتن علاه باقي اللبيد ابي اعودها علاه وهل التطبع له وقت معين اسمع ان افضل وقت للتطبيع شهر 3و4عربي تقبل تحياتي |
مشكور على هذا المجهود الطيب |
| الساعة الآن 07 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |