|
عندي خلفه السلام عليكم ورحمه الله وبركاته ياجماعه عندي خلفه فيه شق في ديدها في مقدمها من صوب الحلاب قريب من السمه والشق من داخل شق ماهوب كبير كبر أمكن المسمار أودون شوي ولاأدري وشهو منه لني شاريها لقحه وأذا عطفت قام يصب من الشق حليب ولايوجعها ونحابها وهديه بس بعض الاوقات ماتخلينا نحلبه والشق لازم يخسل بالقليل يوم ورا يوم والايدخل التراب في الشق ويلتهب ويورم ديدها وعرضت المشكله على دكتور قال مالك الا أذا غرزت تخيط الشق وعرضتها على دكتور ثاني عطاني دهن طباقته حمراء والبخاخ الازرق حط الهن في الجرح وبخ عليه ويلتحم من نفسه ولابه فايده وشرايكم ألحين |
الاخ نايف الدوسري مرحبا ومسهلا الراي الافضل هو خياطة الجرح واي جراح متمرس ممكن يخيطه بدقائق وان لم تجد ذلك استخدم بودرة مضاد حيوي والبخاخ الازرق بان ترش الجرح بالبخاخ ثم ترش عليه البودره فذلك يمنع الالتهاب ويساعد على التئام الجرح مع تمنياتي بالشفاء تقبل عاطر التحيه |
ارحب يانايف والله يشافي لناقتك اما بالنسبه للجرح افضل شي الخياط واذا مابغيت لانها خلفه فعليك بالبودره والبخاخ الازرق تراااه ماجرى للجرح انشدني من سر بعير ماهوب شق ديد والتحم بفضل الله ثم هو .. لكن لازم تصبر عليه لين يلتحم حتى لو خذا شهر كااااااااااااامل لانها مايضر اما عالجها ولا منعه من الالتهااابات لين يلتحم ولا تعشّر الناقه والله يشفيها ان شاء الله اخوك |
الاخ , عيد المنصوري فهد بن صلبوخ جزاكم الله خير وماقصرتم أبسمع برايكم وبجرب وبشوف أن سلمة ولا رديتكلم خبر لاكن البوده والبخاخ ماتضر على الحوار |
ارحب يانايف وبالتوفيق ان شاء الله اما عن الحوار والله ما ادري كان اخوي عيد المنصوري عنده خبره فهو اعلم مني بهذا المجال وفقك الله |
هلا وغلا يانايف الحوار لا ضرر عليه باذن الله |
ارحبو جميع الاخ نايف كلام الربع منطفي جدا ومالك الا العلاج واحتسب الاجر عند الله الاخوان فهد بن صلبوخ عيد المنصوري الله لايهينكم .....ومعلومه نستفيد منها الله يجزاكم خير. اخوكم خالد |
| الساعة الآن 32 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |