|
قصيده للشاعر عبدالهادي بن سهل المري رحمه الله في البل قصيده للشاعر عبدالهادي بن سهل المري رحمه الله في الابل يالله من قلب ٍ عرفـت اختيـاره * * * * * * وده مع البل مارقـات النسانيـس الى تذكرت الرخـا والحضـاره * * * * * * طرى على شوف البكار المعابيس لاحد يقول ان مشترى البل خساره * * * * * * البل ذهب ويساق فيها قراطيـس كم شيخ قوم ٍ تجذب البدو نـاره * * * * * * من دونها حامت عليه القرانيـس والبل مع الناموس فيهـا تجـاره * * * * * * وزود ٍ لقوة كاسبيـن النواميـس الطيبيـن اهـل الوفـا والنمـاره * * * * * * زادو لها الاثمان وارخو لها الكيس لا باس في الراحه وزين العماره * * * * * * لاشك راعيهـا بقلبـه هواجيـس مهونة ٍ له لا شكى حيف جـاره * * * * * * يصبح من الضيقه بقلبه حواسيس والبل توسع لـه منـازل ديـاره * * * * * * وتبعد همومه مبعدات المراويـس لاشـد راعيهـا عليهـا قشـاره * * * * * * تقطع به الفرجـه بليـا منافيـس ياخذبها فـي كـل بـر ٍ سفـاره * * * * * * يمشي بها في قافر ٍ مابعد ديـس عقب الحيا التالي تجدد خضـاره * * * * * * مافيه قبله كون جـرة عواسيـس والناس كل ٍ عنـد ربـه وقـاره * * * * * * ناس ٍ على خير ٍ وناس ٍ مفاليـس واستغفر الله عد هاتـف امطـاره * * * * * * واستغفر الله واستعيذه من ابليـس قصيده للشاعر عبدالهادي بن سهل المري رحمه الله |
الله يرحمه ويسكنه الجنه لاحد يقول ان مشترى البل خساره * * * * * * البل ذهب ويساق فيها قراطيـس ومشكور على النقل والاختيار الرائع |
الله يرحمه ويسكنه الجنه بيض الله وجهك يابو محمد على الطرح الراقي |
صح الله السانك ولاهنت يا ابو محمد |
| الساعة الآن 23 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |