|
افيدوني جزاكم الله خير اولا يشرفني الانضمام لهذا المنتدى الشامخ وان شاء الله افيد واستفيد والعلم عسى الله يطول اعماركم على الطاعة شريتلي ابل من ام ارقيبة وبعضهن توهن معاشير وابي احملهن مضطر حول القصيم هل يضرهن التحميل |
اذ عشارهن له اكثر من الشهرين ماعليهن ضرر بأن الله عز وجل واذ توهن معشرات والله لو تريث عليهن شوي ابرك والله يكتب لك اللي فيه خير |
بيض الله وجهك ياولد حرب ومشكور على سرعة الرد وودي اني اتركهن فترة ولكن وراي سفر عن قريب ومحد حولهن الله لا يشغلنا وياكم الا على الطاعة |
حياك الله يااحمد بين اخوان حملت ابلي وكان فيهن حوالي 15 معشر وبعضهن لهن على شهر وبعضهن على شهر ونص وبعضهن على شهرين وتكاسر منهن حول خمس او ست وفيهن بكر لها ثلاثة شهور التحميل شر على المعشر واذا بلاك الله به لا تشيلهن بالهودروليك الونش العادي اشوى |
نصيحة اخوي لا تشيلهن |
أرحب يا أحمد التحميل وأنا أخوك أقشر سواءً معاشير ولا لقاح أسأل الله أن لا يخسرك ولا يخسر أي مسلم توكل على الله وأنا أخوك وحمل ابلك ونصيحتي لك جوع البل طول يومها ولا تسقيها ولا تعشيها وحملها من الفجر وبإذن الله ما عليها شر |
مناحي العتيبي عبدالعزيز العصيمي فهد الاحمد بيض الله وجيهكم وعسى من عقبكم للجنة ويشهد الله مكره على تحميلها لظروف السفر ومشاركتي ودي اعرف اسلم الطرق لتحميل ومشكورين على الردود ولاهنتوا |
اقتباس:
|
اهرب تكفا من الونش هو ابو الكسار ولاتفكر بتحميلهن الا بعد 4 شهور لضمان بعد الله سبحانة |
السلام عليكم قل لراعي الونش لا يرفع المطايا زياده عن اللزوم وخف طعامهن قبلها بيوم ومايضرهن انشاء الله |
محمد الوهبي التميمي طلال بن عقاب محمد الرمزاني مشكورين على المرور والنصيحة واسأل الله ان لايخسرن ولا يخسر كل المسلمين واهل الأبل خصوص بيض الله وجيكم ولاهنتوا |
رد: افيدوني جزاكم الله خير لاتشيلهن .. خصوص بالونش .. والونش عذاب للبعير واكره مايشوف هو |
رد: افيدوني جزاكم الله خير اقتباس:
واشرط على السواق مايوقف الا في المراح ترا بعضهم يمشي ويقف لين يدبل كبدك ويضر مطاياك والله يستر عليهن |
| الساعة الآن 29 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |