ورم في رجل الناقه!!!
 

مساكم الله بالخير هالناقه عندي فيها ورم برجلها اليمين مثل ماانتم شايفين والناقه يتعبها المسراح البعيد وصاحبها الاول يقول انه ذا يسمى ( كول )!!!

هل ىله علاج بيطري أو شعبي

وهذي صورة الورم
http://www.alhadafa.com/uploadedfiles/images/3914.jpg

ياهلا بخالد .

الورم ذا من متى وهو فيها؟ لأنه كان في حوارة عندنا وأخذ معها اكثر من شهر وبعدين اختفى .

http://img20.imageshack.us/img20/6697/17112009128.jpg

يمكن له أكثر من شهرين بس ابي اعرف ذا كول والا ورم عادي التهاب طبيعي مع الوقت يروح؟

مرحبا ياخالد وهذا ليس كول الكول ارتكا الناقة على المفصل اللي من فوق الخف .

اخوي خالد والله مدري وشو الكول لكن انا شفت نفس حالة الناقة الي عارضها نايف المزحمي عند واحد من الربع شايب ويوم سئلته قلت وش في يد البكرة قال يدها ((مصتضبه )) ولها كويه اذا بادرها الشخص ولا اهملها

الكول وش علاجه لان الناقه ارتكا الناقة على المفصل اللي من فوق الخف ؟؟

أرحب يا خالد

حسب المعروض في الصورة ماهوب كول

صورها فديو وهي تمشي ويبين إذا هو كول ولا لا
والكول ما له علاج وأنا أخوك
وسلامتك

أكوهأ

عندنا ناقه اصبحت اليوم يديها كلهن مورمات بنفس الورم تقريبا ياللي في صوره الحوار ..

ومن امس ما فيها شي .. بس اليوم اصبحت بهالورم ..

شكينا وقلنا ملدوغه .. بس اللدغه بتكون في يد وحده موب ثنتين .. بكره بقولهم يصورونها لي وبحطها لكم لو بعده ما خف ..

وش تتوقعون .. الورم بس من فوق الرسغ بشي بسيط .. وخفا كله صاير مثل الطبل ...

بسيطه ابر dexaphenyl arthrite ثلاث مرات تزيل الورم والالتهاب

انت تقول ان الناقه ارتكت على المفصل
لها كوي معروفه عن الشعبيين
ان كانك بالرياض ازهم علي ولا راسلني واعطيك رقمه

ماهوب كول
وإذا حولك عرين فأخذ من هدبه وأطبخه طبح لحم لين يتقاصر ماه وبرده وأغسلها به صبح وعصر

ولا تنساني من دعواتك

تقديري

على فكرة وإذا ماحصّلت عرين فعليك بعرن السمر دقه لين يروح فتات وأطبخه بنفس الطريقة أعلاه والوصفة

أرجو أن يشفي الله ناقتك

تراني مجربه للإلتهابات في البل وجميع الجروح ونفع بأمر الله

تقديري