ياراعي الذود خل الذود مرتاحه=مافيه داعي ياراعي الذود تتعبها
خل المجاهيم للمصلاح مياحه=واردم شحمها من البرسيم واجلبها
مدام ناصر ولد مرسان فالساحه=ياهل المجاهيم خلوها لاصاحبها
الفوز في يدين ابن مرسان مفتاحه=اشهد بها واتحدى من يكذبها
يابوك هذا وسام الطيب ووشاحه=يمناه فالمرجله محدن بغالبها
سلام وازكى تحيه طيب فواحه=بالعود الازرق لبا هبت هبايبها
كل البيوت الجزيله فيك مداحه=تاتي مطيعه وتبرك عند كاتبها
وابلك ليا شافت الناموس تجتاحه=وليا عرضت غطت الشاشه غواربها
منقيه من شراها زادت ارباحه=اسناد كن السحاب الغر يجذبها
كلً يبي الجايزه ويرفرف اجناحه=واهل التحدي لها رفت شواربها
مدام ناصر ولد مرسان فالساحه=الجايزه باذن رب البيت كاسبها

المشاركة الأصلية كتبت بواسطة نواف الروقي (المشاركة 270617) بيض الله وجهك وانا اخوك. على هالقصيدهـ ويستاهل (( ابن مرسان )) تقبل مروري اخوك. نواف الروقي

اررررررحب يانواف

ووجهك ابيض

وابوسعيد كفو لكل علم طيب..

ومشكور على المرور..

المشاركة الأصلية كتبت بواسطة محمد ال منيف الهاجري (المشاركة 270623) لا هنت على القصيدة وصح لسانك تقبل مروري تحياتي محمد الهاجري