ذود مغاتير للبيع
 

السلام عليكم ورحمة الله وبركاته,,,, وحيا الله كل باسمه
يوجد ذود مغاتير توها معروضة للبيع في مراحها مابعد شافوها الشريطية وعددها 18 وهي عبارة عن فحل وقعود مفرود على فحل براك الرشيدي المعروف و5 لقحات تولد كلها في هالشهرين هذي و6 ظرايب وخفوت واعشرا معها بكرة وباقي 3 أبكار وديناها اتضرب على أحد الفحول المنتجة والبل طالت اعماركم إبل قناي مافيها العايبة ولله الحمد ولا فيها الفاطر كلها من ام ثاني وثالث ورابع ولا بعد سيمت وموقعها في برمة عن الجنادرية 15 كلم شرق مزعة الأمير سلطان وهذا رقم الجوال ابوفهد 0504465216

وهذي صور أخرى ومافيه مانع للي يبي يفرد منها

مساءالخير ياناصر
بغيت انشدك البل سيمت والا ماسيمت واذكر السوم لاهنت واذا لك حد اذكره
مشكور

عشره ونص وهذا رقمي 0096565663437

علي باحدي عشر الف شرط النظر وتكون سلم

أسوام طيبة وحنا ودنا بالبيع إن شاألله والصامل يتصل علي منشان يشوف البل والبل فيها 3 أبكار حلوة وحده منها مسيومة خمسين ألف عند راعيها الأول وماباعها وانا مانزلت صور لللأبكار عموما الصامل يتصل علي ويجي يشوف البل على الطبيعة أحسن له لأن بعض سومات المنتدى مايصمل راعيها وانا كيف أبيع أو حتى أقلد على سوم واحد ماشاف واللي يجي هو الصامل ويمكن يشتري ويمكن مايشتري والبل طيبة وتستاهل العنوه

اخوي ناصر انا اسوم وهذا رقم جوالي اذا قريب من السووم وصلتك لاني جهة الطائف وعندي عمل 0503050659

الله يحييك أخوي نواف وكل أعظاء المنتدى هالطيب اللي يعرفني بكم وشرواكم وابركها من ساعة يوم تشرفوني في محلي وياهلا والله ومسهلا

السلام عليكم ورحمة الله وبركاته
اخوي ناصر انا توي أطلع على موضوعك مادري البل بيعت والا لا
وكم وصل سومها اذا مابيعت

البل بيعت والحمدلله والله يبارك للشاري ويخلف على البائع
وباقي منها خمس اللي له فيها شف يتصل باقي الفحل وناقه لقحة وهي ملاقي هالحين وباقي ظروب وباقي عشرا تحتها بكرة وباقي ناقة كفو من أطيب البل والظاهر إنها معشش وسلامتكم

الناقة الطيبة ياسلطان قلت لك الظاهر إنها معشش لأنها عند البعير تشاول وتوزر لكن أشوف الفحل يعزم عليها ويبغاها وإذا حدحدناها عليه تبغا تبرك مع إن بطنها كبير وديدها نازل اشوي ولو هي طلعت القحة كان هي ناقة الخمسين والستين شي بارك الله فيك وشفها بالصفحة الأولى بالمشاركة الثانية الناقة اللي عليها جنيبه