|
الفزعه ينشامه البكرة عجزت عنها وين اهل المعرفه 5 مرفق بسم الله الرحمن الرحيم السلام عليكم ورحمة الله وبركاتة امسي علي الاعضاء والمشرفين وزوار الموقع . عندي البكره ياجماعة الخير من شهر وهذه حالتها اعزكم الله البكره ماتخرج وعطيتها ( البروفيل ) وأشوي شوي بس البكره عمرها شهرين ونص شربها للحليب شوي ودايم تبرك علي عرقوبها علي جنب وبطنها متفوخ ويابس تقول فيها غازات . |
عليكم السلام ورحمة الله وبركاته خذها لاقرب بيطري وعنده محلول للنفاخ ويعطيها فيتامينات وان شاء الله تتحسن وتكون زينه |
اشكرك اخوي (( فهد )) علي المعلومة ولاكن انا عطيتها البروفيل وطارد الغازات وتحسنت شوي وتردت حالتها مرة ثانية |
السلام عليكم خل البكره علا حليب امها وبس ولا تذوق شي غيره يعني لاتاكل شى ابد ولو ان اكلها خفيف امنعها مره |
بس البكرة وانا اخوك ماتاكل شي الا تشرب شوي من ديس امه انا ابي علاجها للبطن المنتفخ وتبرك واجد ولو تلاحظون علي الصور يبين عليها |
السلام عليكم ورحمة الله وبركاته إحتمال فيها جرح , أكوها على الجرح , و الله يعافيها . |
مثل ماقال اخوي احتمال فيها جرح وترا توها بكره صغيره اقرب موتر حوض وللبيطري على طول لا تتردد |
يابن عقاب عندك هالموضوعين راح يفدنك بإذن الله: http://www.mzayan.com/vb/showthread.php?t=20863 http://www.mzayan.com/vb/showthread.php?t=6469 |
عطها فنجان زيت الزيتون وان شاء الله بتلقاها تحسنت |
اخوي طلال هذا من كثر البن الى تشربة بس انت حاول انك ماتخليها تشرب دايم وعطها نص لتر ماء صباح ونص لتر مساء وفية حقنة شرجية للاطفال اعطها علشان تخرج وهذا يسمون البدو عكام يعني البن يوقط في بطنها |
أكيد يا أبوعقاب البكره ماكله بلاستيك كيس او شي .... ودها وانا اخوك لأقرب بيطري يعطيها ابره خاصه لـ يبوسة البطن .... وإن شاء الله خلال ساعات تتحسن حالتها .... |
أشكر الأخوان علي النصائح والمشاركة وأسأل الله الكريم أن لا يحرمكم الأجر والبكره ماتت والحمد لله علي كل حال والحمد لله سوينا ألي علينا وعسي الله يهدي من يدخل الامراح الابل ومايذكر الله ولا يبارك وهذه ثاني حالة تسير معي وللعلم انا اتطبب في الابل بس مالك الا المقصوم . |
فاديه اهلها وانا اخوك حنى تو ميت علينا حوار غالي جداً نفس حالة حوارك عكام جبناء له كل شي بس مالله كتب له يعيش |
الله يجزاك خيرا وعسي الله يعوض كل مسلم واشكرك اخوي عبدالمحسن علي المرور |
وعليكم السلام اذا كان البكره ماتخرج والبطن منتفخ عليك بزيت الخروع يحل بطنها لك والعلم مجرب عندي ولاتشوف شر ان شاء الله |
| الساعة الآن 14 : 09 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |