|
نداااااااااااااااااااااااااااء للجميع السلام عليكم ورحمة الله وبركاته مسااكم الله بالخير يالربع يالربع انا بشتري ابل ولاادري متا الوقت المناسب والزين لشراء الابل ناس تقول بعد ام رقيبه وناس تقول هالحين وناس تقول في القيض وعجزت اعرف الوقت المناسب لشراء الابل وابغا منكم تعلموني افضل وقت لشراء الابل اصبر بعد ام رقيبه ولااشتري هالحين ولاا اصبر لين القيض وبغاااااا فزعتكم يالنشااااااااماااااااااااااااااااااااااااااااااااا ااااااااااااااااااااااااااااا |
القيض وشتر القحات هذا افضل شي بنسبه لي |
معروف السوق الحين نار و في القيض احسن من ناحيه الاسعار والله يوفقك |
أفضل أوقات الشراء من بداية شهر 5 ميلادي وإلى آخر شهر 7 وعقبه يبدأ السوق بالإرتفاع وسلامتك |
السلعة غير متوفره دائماً اشتر الطيب اذا لقيته قيض والا شتاء |
السلام عليكم ورحمة الله وبركاته اخوي زيد انت ما وضحت وش بتشتري انت تبي تكون ابل يعني تقني ابل او تبي ابل تكون قيمتها متيسره شوي وبعدين تتكسب فيها اذا انت تبي القني فانصحك اولا بشراء خلفات معها بكار ولا تشتري الخلفه اللي معها قعود لان ام البكره في الصفري تكون ناقتين اما ام القعود بتجلب القعود للسوق وتبيعه وتصبح امه وحيده اما ام البكره تصبح اثنتين هذا من ناحيه ومن نا حيه اخرى اهتم كثيرا بالابل ذات الاصول الطيبه لانها تكون احرى بالانتاج واوصيك واوصي من يريد الابل مغاتير والا مجاهيم ان يهتم كثيرا بنواحي مهمه في الناقه وهي طول الغارب وطول الرقبه وان تكون الناقه سناد ولا شك ان راس المطيه هو محور القيمه لكن طول الغارب وطول الرقبه والسنده هي كروكي المطيه 0 والله يوفق الجميع |
يازايد عندي لك نصيحه لاتشتري الا خلفات تحتهن بكار أو لقحات أباكير أو أم ثاني ومن فتره لفتره تشوف للبكار مفروده طيبه أو حقه بالكثير سعرها مناسب وهذا هو رصيدك بالمستقبل وركز على العجم نصيحه نصيحه سواء تبي تشري البل الزينه اذا عندك قدره للزين أو المقنوي اللي اسعاره من العشره الى العشرين أبعد عن الفاطر مهما رخص ثمنها وأوصيك إنك تركد اذا عرفك بسيط وتشوف شخص تثق بنظره وشاوره فيها وداوم على التصفح في هالمنتدى صدقني راح تستفيد كثير والاعضاء فيهم الخير والبركه ماراح احد بيقصر معك بالمشوره وإن شاءالله نشوفك أحد المشاركين بأحد الأشواط بهالمنتدى أما مسألة الوقت الأفضل للشراء من شهر 4 الى 8 |
اايد خوي فهد أفضل أوقات الشراء من بداية شهر 5 ميلادي وإلى آخر شهر 7 وعقبه يبدأ السوق بالإرتفاع وسلامتك </B></I> |
الله يوفقنا وياك الاخوان ماقصرو وانا مع الاخوان الي يقولون عليك بام البكرة وافضل وقت لشراء بداية الصيف |
السلام عليكم ورحمة الله وبركاته اخوي زايد آمل الاتصال علي بهذا الرقم 0541946661 وشكرا |
| الساعة الآن 45 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |