سؤال بخصوص الاكساب
 

السلام عليكم ورحمة الله وبركاته,,,,
سؤالي سلمكم الله باختصار..... عندي ناقة ولدت قبل اسبوع وابي اكسبها لا تمت شهر وش افضل طعام يخليها تيسر علماَ بأني ماني شايل حوارها عنها وهل ابرة اليسرة تضرها الآن؟

أخي فهد ألكساب ماهو بزين خص إذا صارت مكسبه أكثر من مره وأنا أقولك الكلام ذا من تجربه الوالد كانت عنده ناقه كسبها وهي لها شهر تقريبا وولدة ومات ولدها وهو صغير وكسبها ويوم جا لها 7أشهر وهي تنعمي وتغدي عيونها طس وسئلنا البيطري وقال هذا من التكسيب نقص فيتامينات من الكساب الكثير
وأرجو أني أفدتك أخي فهد

السلام عليكم
انا ياخوي عندي نفس الحاجه لكن الناقه لها ثلاثه اشهر وودي اكسبها ارجوا من الاخوان الافاده

سمعت والله أعلم أن التكسيب يضر الفحل والناقة وننتظر أصحاب الخبرة وبيعطونا العلم بأذن الله

مرحبا يافهد كانك ناوي على بيع الحوار في القيظ كسب الناقة وبعد شهر من ولادها مايضر على شرط ان البعير يطلبها ولاتعسرها .واحسن وقت للتكسيب في الربيع تياسر الخلفات و يطير بها البعير .

اخوي لا تكسب الناقة يجي حوارها ذرنوحن كبر الشاه

إلا اذا فيه بعير يستاهل انك تهده واضيف على مشاركتي كلام محمد ابوعدوة

جزاكم الله خير يا اخوان كل بإسمه وبيض الله وجيهكم , والله يكتب اللي فيه خير