نمسك ابوها ولا نفكه/رايكم/ حواره مجهم
 

السلام عليكم ورحمة الله
رايكم في الحواره اللي ولدت امس وهل نحرص على ابوها ولا نفكه في يدين الشرايه/ وعلى انتاجه كم توقعون يسوى علما انه رباع وهذي اول انتاجه
اشكركم مقدما وتقبلوا تحياتي
http://almzayan.com/index.php/index....getfile&id=746

مرحبا ياحاتم وماشاء الله عليك ماعندك وقت والصبر الصبر العجله ماهي بطيبه ورائي في انتاج الفحول كانك خابر اسراره مع طيب الشكل فالحكم عليه لكثرة الحيران وظهر سهيل واماتها ابل بداوه ذاك الوقت انظرك يقديك تطلع من العشر اربع اوخمس بكار اطيب من اماتها فتقبض بالفحل وهده زمانين واحكم عليه .

ياحاتم بعض الفحول انتاجه مايزين الا لاجات حقايق
والله ان عندي بكره مضربها من بعير زين وجابت لها بكره مااعجبتني والحين يوم صارت حقه مانيب فاكها لو يعطوني وزنها
وانتاج البعير مايحكم من اول انتاج موب شرط يجي كل انتاج البعير زين شي ضروري بيجي شي ردي
انت لاحظ انتاجه ان كانه يزين كل سنه امسكه وان كانه كل ماله يشين فعرضه للسوق وهالبكره انا اشوف فيها مواري زين الله يبارك لك عدد شعرها

صبر وشوف اكثر من حوار على البعير

ياحاتم الحواره على شويخان قعودك؟

لا هنتم جميعا ومشكورين على الردود القيمه وكلامكم عين العقل ( لايمكن الحكم من حوار واحد لكن حبيت آخذ رايكم في البكره)
اخي خالد الحواره ماهي على شويخان- شويخان ما القح الا هالسنه واول انتاجه في رمضان القادم ان شاء الله
الحواره على هدبان
تقبلوا تحياتي

أخوي حاتم ..
عبدالله السهلي عطاك العلم ولاقصر
بعض البكار ماتزين إلا من لقيه وفوق..

البكره شكلها طيب مبدئياً
والآخوان ماقصروا بعض انتاج الفحول يباله صبر وأحياناً مهوب صبر طويل يعني .
بعدين وين صورة الأم ووين صورة الفحل
وهل مافيه إلا هالحواره بس !!!!!
الحكم على البعير في الحالة هذي يعتبر ( ظلم كبير للبعير )
أكرم البعير بالأمهات واحكم صح على عدد مقنع ،،،،، والسلامة للجميع

؟؟؟؟؟؟؟؟؟؟؟؟؟؟؟؟؟
اذكر اني علقت على هالموضوع للاخ حاتم العماري

وين التعليق؟؟؟ ليش انحذف؟؟؟عسى بس ما اخطينا؟؟؟؟؟؟

لاتبيعة هده في الابل سنتين لين يبين انتاجه

لأن الفحل ينطل وانتاجه مايجي واحد ويختلف بإختلاف الناقة اللي يضربها بعضهن يبركن على حظ البعير