منتـديـات مــزايـن - الله لايهينكم إستفسار ياوجيه الخير

السلام عليكم ورحمة الله وبركاتة

أمسي /أصبح على الجميع بالخير ومحتاج منك ياأهل المعرفة مساعدة

قبل حول شهرين شريت ناقتين وحده سديس وسبق أن ولدت والثانيه ثنيه ولم يسبق لها الولاده

وشريتها والثنيه على إنها معشر المهم ياجماعة الخير الناقة السديس مرتين يضربها الجمل وتعشر وبعد يومين أو ثلاثه من عشارها ترجع تبرك عند الجمل من جديد وأمس بركت عند الجمل وضربها للمره الثالثه
ماأدري إذا أحد عنده نصيحه والا مر بمثل هذه الحاله ويش أسوي معها.

أما بالنسبة للناقة الثنيه كل مارديتها على الجمل إنحاشت وخلته وكل ماأحاول ماتعطيني فرصة وأخر مره هديت الجمل عليها وطردها شوي ثم وقفت وشاولت وشمها وإنحاشت وأشوف الجمل كنه إنصرف عنها بس والمشكلة ماأشوف الناقة تشاول إذا مرت من عند البعير مع إنها تحاول دايم ماتقرب البعير ولاسبق شفتها حول البعير.

مانستغني عن خبراتكم ونصايحكم ياوجيه الخير.