نصيحة وتحذير
 

مرحبا ياخوان ونصيحة وتحذير والله يجزاكم الف خير بالنيه الطيبه ولايستغرب عليكم الفعل الطيب بس تمنيت من بعض الاخوان في قسم الذهيب والابل المفقودة مايحطون صورة وسوم لابل ضائعة وشبكت مع ابلهم في المنتدا واعتقد وهذا اعتقادي بانه اجتهاد وحسن نيه من بعض الاخوان في غير محله ويكتفي الكاتب بوصف الوسم بالكتابة فقط بدون تحديد محله وان جاء من يقول انها له يذكر وسمه ومحله والشاهد ان وجد و لا تحمل الناقة الا انت عارف اسم الرجال بالاثبات لا ن ضعاف النفوس وهم قله والحمد للة يمرون على بعض العزب ويقولون ماذهبتوا شئ من الضياع ومن طيب النية بعضهم يقول هذي لها شهر مع ابلنا وبعضهم يقول هذي لها شهرين ولاشافها النشاد قال يحافظي عقايل الله الحذر ياخوان الحذر .واسف على الاطالة .

بيض الله وجهك يا محمد وكلامك سليم وعين الصواب

بارك الله فيك، لكن بعض الأحيان تنشد عن الوسم ولا أحد يعرفة فتحتار ويكون منتدى مزاين هو الحل للإستفسارات.
ومن هذا المنطلق أقترح على المنتدى وضع نموذج على المنتدى لأصحاب الأبل المفقودة ، ويكون المنتدى هو الوسيط أو الشاهد بين صاحب الذهيب والضام للذهيب,
والله الموفق.

لاهنت يابوعدوه تنويه ونصيحه في محلها الحذر واجب من ضعاف النفوس

واستغلالاتهم لطيبه الناس واللي ولله الحمد هم قله كما قلت