|
قصيدة الشاعر لافي الغيداني في مزااين عتيبه وانـا اعتبـر نفسـي هنـا بالنيابـه عن حرب ربعي بني سالم ومسـروح اهل الوفاء من قبل عصـر الصحابـه واهل النقاء اللي دونه الوجه ممسوح ســلام يالهـيـلا قبيـلـة عتـابـه سلام(ن) اسوقه من الـروح لـروح نفحة شذى ريضـان نبـت السحابـه معه وعليكـم تنبعـث منـه وتفـوح مـن بيننـا مابـا المعـزه غـرابـه لها بوسط قلوبنـا ابـراج وصـروح للوصل بجسـور التواصـل صلابـه حقايق(ن) ماهـي بقاويـل ومـزوح ياللي علـى صـدره نقشتـوا كتابـه صدر الكتاب اللي للامجـاد مفتـوح علـى جبينـه ياجـده مـن قـرابـه تاريـخ سيرتكـم مـدون ومشـروح صافح جبين الشمـس عـز ومهابـه احد(ن) عنه راضي واحد منه مجروح لـولا بيـاض افعولكـم مـن رقابـه على سفوح(ن) دونها سفوح وسفـوح لطامـت العايـل اليـاجـاك مـابـه وذباحة الحايل لـو الـزاد مشحـوح فيكـم علـى تكفـى غلاثـة اذيابـه وعلى ونعم فيكم ضرم راس مشفـوح تاريخكـم بالطيـب كـل(ن) درابـه وعلى ماقيل العلـم مقفـي ومنطـوح الطيـب ياعتيـبـه لبسـتـم ثيـابـه قول وفعل والكلمـه اللـي لهـا روح واللي رجـاء عفـوه يسابـق عذابـه حفاظ بيض وسود الاعمـال باللـوح لو ماني محاسب علـى كـل جابـه انـي لاقـول بكلمة(ن)حـد ذابـوح يـا افعالكـم مـع غيرهـا ماتشابـه لكن بظلـم النـاس مانـي بمسمـوح ايـه احتـرم حـق القبايـل واهابـه والظلم عنه العبـد منهـي ومنصـوح ماتنهـب حقـوق القبـايـل نهـابـه حتى اني انسفها على ضهري واروح لكم اخشرى بالطيب مـن كـل لابـه الطيـب حق(ن)للاجاويـد ممـنـوح مثل المجم اللـي عـذي(ن) شرابـه كل(ن) بدلـوه يـارد الجـم ويمـوح مايغـط نورالحـق ويصـك بـابـه الا ضعيف العرف وقصيـر الشـوح عسى السحاب اليـا تراكـم ضبابـه وبروقـه تفـرق مثانـيـه وتـلـوح على وطـن صقـر العروبـه عقابـه همالها يروي عطش كـل صحصـوح غيث(ن) مايذكر للضرر فيه اصابـه صحه على ماقالو النـاس وصحـوح ليـن يتشابـك نبتهـا تـقـل غـابـه وروس الزبيدي كنه المرو بالصـوح ياموعد اصحاب الدعـاء الاستجابـه اجب دعانـا يامجيـب النبـي نـوح حاولـت تجنيـب الخطـاء ورتكابـه ون حصل مطلوبي عفو كل طحطوح قصيدتـي تختـال كبـر وصبـابـه علـى معانقهـا سمـع كـل ممـدوح وختـام شاعرهـا مـثـل مابـدابـه الا انـي بكلمـة شـرف ودي ابـوح تدرون من اولى البعض مـن شبابـه برقاء وروق وبني سالـم ومسـروح |
ارجووا من المشرفين تنسيق القصيده ولهم جزيل الشكر |
شكرا على القصيده الرايعه |
بيض الله وجهك يابن صنيتان وسلمت يمينك وصح السان الغيداني المبدع بكل حالاته جزله من جزل تشكر عليها |
بيض الله وجهك ووجه شاعر حرب الشاعر الكبير لافي الغيداني وسلمت على النقل المميز وتقبل مروري. |
بيض الله وجهك يابن صنيتان وماقصرت ويعطيك العافيه على التنزيل الرائع |
بيض الله وجهك يابن صنيتان وماقصرت ويعطيك العافيه على نقل القصيدة الرائعة تحياااااااااتي لك ,,, |
شاكر مروركم الرااائع لاهنتم جميعا |
| الساعة الآن 09 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |