الفزعه يا اهل الابل
 

السلام عليكم
ياجماعة عندنا حوار عمره شهر ونص له اسبوعين مارضع وبطنه منتفخ ولا يدمن عزكم الله وجربن الفيري وزيت الخروع ولا نفع والحوار ما يقوم إلا اذا قومناه ولايمشي إلا ذا دفيناه ولا فيه بيطري الى وجبناها ولا شفنا تحسن افزعولنا لا وبعد زيت الاكل وعطيناه ولا تغير شي مرة المره ولا ندري وش علته

الله يشفيه

مر الصيدلية وشتر ملح انجليزي

خذ ملي يدك منه مرتين وحطة على كوب ماء دافي شوي

ومرس معه خمس تمرات وحركة زين

ثم طلع التمر الي ماذاب وغر الحوار الكوب كله

ساعتين وان شاء الله تشوف النتيجة طيبة

وعطنا خبر

صباح الخير ياوليد

كان الحوار منتفخ بطنه ومدمن علا كلامك

جب ابرة وحط فيها صابون تايت طبعن بدون الالبرة مالتها فهم على طبعن

بعده حطها فى مدمن الحوار سوها مرتين ولا ثلاث وتبى تشوف الحوار مثل الفل

كذا مرة اسويها والله لو تشوف الحوار تقول موات عقب ربى يسلمه

موفق خير

اخوي نواف
اخوي مساعد
اخوي طلال
اخوي سويلم
ماقصرتوا وبيض الله وجيهك القعود اصبحنا اليوم ولقينا قد مات ماالله كتب لنا منه
ومشكورين على اهتمامكم بالموضوع وبيض الله وجيهكم

الرجاء من الأخوه الكرام افادتنا عن التمره تكون يابسة والا رجيز اخلاص

حسب علمي بأن التمر ثقيل على بطن الحوار ولا يطلع من بطنه إذا مرسة له (يسمونها البدو عندنا مذلفة )

لكن إن كانه عاكم فأحسن شي يغر بزيت الطعام مقدار بيالة تحط في برواز وتعطى مع الفم وبأمر الله يدمن وبسرعة هايلة أما إذا كان عاكم ولا يقوم فلا بد من الكوي قدام السر بمطرق صغيرة وفي عكرة الذنب من داخل فوق المدمن
هذا والله أعلم